DC vs MI Final WPL: चॅम्पियन मुंबई इंडियन्स! WPLच्या ट्रॉफीवर कोरले नाव; दिल्लीचा सात गडी राखून पराभव

DC vs MI Final Women’s Premier League 2023 : हरमनप्रीत कौर आणि तिच्या मुंबई इंडियन्सने इतिहास रचला आहे. हरमनप्रीतच्या नेतृत्वाखाली मुंबई महिला प्रीमियर लीग (WPL 2023) ची पहिली चॅम्पियन बनली आहे. शेवटच्या षटकापर्यंत चाललेल्या छोट्या धावसंख्येसह मुंबईने रोमहर्षक सामन्यात दिल्ली कॅपिटल्सचा 7 गडी राखून पराभव केला. अशा प्रकारे मुंबईने WPL विजेतेपद पटकावले.

DC vs MI Final WPL: चॅम्पियन मुंबई इंडियन्स! अंतिम फेरीत दिल्लीचा सात गडी राखून पराभव

मुंबईला मोठा धक्का! कॅप्टन कौर आऊट

17व्या षटकाच्या पहिल्या चेंडूवर मुंबईला मोठा धक्का बसला. कर्णधार हरमनप्रीत कौर 39 चेंडूत 37 धावा करून धावबाद झाली. मुंबईने 17 षटकांत तीन गडी गमावून 106 धावा केल्या आहेत. त्याला विजयासाठी 18 चेंडूत 26 धावांची गरज आहे. न

 हरमनप्रीत कौरचे तुफान दिल्लीवर भारी! विजयासाठी 47 धावांची गरज

मुंबईची कर्णधार हरमनप्रीत कौर आणि अनुभवी खेळाडू नताली सीव्हर ब्रंट यांनी तिसऱ्या विकेटसाठी अर्धशतकी भागीदारी केली. मुंबईने 13 षटकात 2 बाद 76 धावा केल्या आहेत. कर्णधार हरमनप्रीत कौर 28 चेंडूत 28 आणि नताली सीव्हर ब्रंट 35 चेंडूत 26 धावा खेळत आहे.

DC vs MI Final WPL: टेन्शन वाढवले! फायनलमध्ये हरमनच्या मुंबई इंडियन्सला दुसरा धक्का

राधा यादवने दिल्ली कॅपिटल्सला पहिले यश मिळवून दिले. दुसऱ्या षटकाच्या तिसऱ्या चेंडूवर त्याने यास्तिका भाटियाला बाद केले. यास्तिकाला एलिस कॅप्सीने सीमारेषेवर झेलबाद केले. यास्तिकाने तीन चेंडूंत एका चौकाराच्या मदतीने चार धावा केल्या.

जेस जोनासेनने दिल्ली कॅपिटल्सला दुसरे यश मिळवून दिले. चौथ्या षटकाच्या चौथ्या चेंडूवर त्याने हिली मॅथ्यूजला बाद केले. मॅथ्यूज 12 चेंडूत 13 धावा करून पॅव्हेलियनमध्ये परतला. अरुंधती रेड्डीने त्याचा झेल घेतला. मुंबईने चार षटकांत दोन गडी बाद 24 धावा केल्या आहेत.

शेपटाच्या फटकेबाजीने मुंबईचे वाढवले टेन्शन

शिखा पंड्या आणि राधा यादव यांनी शेवटी सामन्याला कलाटणी दिली. 79 धावांत 9वी विकेट गमावल्यानंतरही दिल्ली कॅपिटल्सने 131 धावा केल्या. राधा यादवने शेवटच्या दोन चेंडूत षटकार ठोकत 12 चेंडूत 27 धावांची नाबाद खेळी केली तर शिखाने 17 चेंडूत 27 धावा केल्या.

मिनी आणि तानिया देखील बाहेर

दिल्ली कॅपिटल्सला आठवा धक्का मिन्नी मनीच्या रूपाने तर नववा धक्का तानिया भाटियाच्या रूपाने बसला. नऊ चेंडूत एक धावा काढून मिनीला हिली मॅथ्यूजने बाद केले. त्याला यस्तिका भाटियाने यष्टिचित केले. त्याचवेळी तानियाला दोन चेंडूंचा सामना करूनही खाते उघडता आले नाही. त्याला हीली मॅथ्यूजने क्लीन बोल्ड केले.

अरुंधती आणि जोनासेनही बाद

अरुंधती रेड्डी यांच्या रूपाने दिल्ली कॅपिटल्सला सहावा धक्का बसला. पाच चेंडूंचा सामना करूनही तिला खाते उघडता आले नाही. अरुंधतीला अमेलिया केरने सायका इशाकच्या हाती झेलबाद केले.

दिल्लीला सातवा धक्का जेस जोनासेनच्या रूपाने बसला. हिली मॅथ्यूजने त्याच्याच चेंडूवर त्याचा झेल घेतला. जोनासेनला 11 चेंडूत केवळ दोन धावा करता आल्या. दिल्ली कॅपिटल्सने 14 षटकांत सात गडी गमावून 77 धावा केल्या आहेत.

विजेतेपदाच्या सामन्यात दिल्ली कॅपिटल्स मोठा धक्का! कर्णधार धावबाद 

दिल्ली कॅपिटल्स संघाला 12व्या षटकात मोठा धक्का बसला. हीली मॅथ्यूजच्या चौथ्या चेंडूवर लॅनिंग धावबाद केले.

फायनलमध्ये दिल्लीची हालत खराब! इस्सी वोंगने राजधानीला दिले तीन धक्के

फायनलमध्ये दिल्ली कॅपिटल्सच्या डावाची सुरु खराब झाली. दिल्ली कॅपिटल्सला दुसऱ्या षटकात पहिला धक्का बसला. इस्सी वोंगच्या तिसऱ्या चेंडूवर शफाली वर्मा बाद केले. शेफाली 11 चेंडूत चार धावा करून बाद झाली. त्याच षटकात पाचव्या चेंडूवर तिने एलिस कॅप्सीला बाद केले. तिला खाते उघडता आले नाही.

इस्सी वोंगने राजधानीला तिसरा धक्का दिले. त्याने पाचव्या षटकाच्या दुसऱ्या चेंडूवर जेमिमा रॉड्रिग्जला बाद केले. जेमिमा देखील तिच्या आधीच्या दोन सहकारी (शेफाली आणि कॅप्सी) प्रमाणेच फुलटॉस बॉलवर बाद झाली. आठ चेंडूंत दोन चौकारांच्या मदतीने नऊ धावा करून ती हिली मॅथ्यूजकडे झेलबाद झाली.(Mumbai Indians Issy Wong)

दिल्लीने निर्णायक सामन्यात टॉस जिंकून घेतला मोठा निर्णय! हरमनची प्रतिष्ठा पणाला

महिला प्रीमियर लीगच्या अंतिम सामन्यात दिल्ली कॅपिटल्सची कर्णधार मेग लॅनिंगने नाणेफेक जिंकून प्रथम फलंदाजी करण्याचा निर्णय घेतला.

हरमनप्रीत कौरचा संघ प्रथम गोलंदाजी करेल. मुंबईने संघात एकही बदल केलेला नाही. मिन्नू मणी दिल्लीच्या संघात परतला आहे. पूनम यादव यांना बाहेर बसवण्यात आले आहे.