दोनवेळा ऑलिम्पिक पदक पटकवणारा पैलवान सुशील कुमार (Sushil Kumar) सध्या मोस्ट वाँटेडच्या यादीत आलाय. ज्यूनियर स्तरावरील पैलवान सागर धनखडच्या हत्येप्रकरणात (Sagar Dhankar Murder Case) दिल्ली पोलिस त्याच्या माघावर आहेत. दिल्ली पोलिसांच्या 15 तुकड्या पंजाबच्या वेगवेगळ्या भागात सुशील कुमारचा शोध घेत आहेत. सुशील कुमारच्या मोबाईल ट्रेस करुन तो भडिंडा-मोहाली परिसरात असल्याची माहिती पोलिसांना मिळाली होती. दिल्ली पोलिस आणि स्थानिक पोलिस एकत्रितपणे त्याचा या भागात शोध घेत आहेत. मोहालीतील एका ठिकाणी सुशील कुमार आणि त्याचा साथीदार अजय सहावरत लपून बसल्याची माहिती पोलिसांना शनिवारी मिळाली होती. पोलिस टिम ज्यावेळी त्याठिकाणी पोहचली त्यावेळी दोघेही तेथून पसार झाले होते.
हा सर्व प्रकार घडत असताना दुसरीकडे सोशल मीडियावर पंजाब पोलिसांनी सुशील कुमारला ताब्यात घेतले असून ते लवकरच त्याला दिल्ली पोलिसांच्या स्वाधीन करणार असल्याची बातमी वाऱ्यासारखी पसरली होती. मात्र ही बातमी अफवा असल्याचे समोर आले आहे. सुशील कुमार सध्या जे सीम कार्ड वापरत आहे ते भटिंडातील सुखप्रीत सिंह यांच्या नावावर आहे. शुक्रवारी दिल्ली पोलिसांनी त्याची चौकशी केली होती. सुखप्रीतने मामे भावाच्या मदतीने हे सीम कार्ड सुशील कुमारपर्यंत पोहचवल्याची माहिती समोर आली होती.
5 मे पासून सुशील कुमार पसार आहे. सागर धनखडच्या हत्यप्रकरणातील आरोपात पोलिस त्याचा शोध घेत असून 15 मे रोजी त्याच्या विरोधात अजामीनपात्र वॉरंट जारी करण्यात आले आहे. सुशील कुमारती माहिती देणाऱ्याला दिल्ली पोलिसांनी 1 लाख रुपयांच्या बक्षीसाची घोषणा केली असून त्याचा साथीदार अजय याच्यावर 50 हजारचे बक्षीसाची घोषणा करण्यात आलीये.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.