तैवानच्या स्यू-वेईची  नाओमी ओसाकावर मात 

वृत्तसंस्था
सोमवार, 25 मार्च 2019

मायामी, फ्लोरिडा : जागतिक क्रमवारीत अव्वल स्थानावर असलेल्या जपानच्या नाओमी ओसाकाला मायामी टेनिस स्पर्धेत धक्कादायक पराभव पत्करावा लागला. तिसऱ्या फेरीत तिला तैवानच्या ह्‌सिह स्यु-वेई हिने 4-6, 7-6 (9-7), 6-3 असे पराभूत केले. नाओमीने गेल्या सलग दोन ग्रॅंड स्लॅम स्पर्धा जिंकल्या आहेत. त्यामुळे तिचा पराभव अनपेक्षित ठरला. स्यू-वेई 33 वर्षांची आहे, तर नाओमीचे वय 21 आहे.

मायामी, फ्लोरिडा : जागतिक क्रमवारीत अव्वल स्थानावर असलेल्या जपानच्या नाओमी ओसाकाला मायामी टेनिस स्पर्धेत धक्कादायक पराभव पत्करावा लागला. तिसऱ्या फेरीत तिला तैवानच्या ह्‌सिह स्यु-वेई हिने 4-6, 7-6 (9-7), 6-3 असे पराभूत केले. नाओमीने गेल्या सलग दोन ग्रॅंड स्लॅम स्पर्धा जिंकल्या आहेत. त्यामुळे तिचा पराभव अनपेक्षित ठरला. स्यू-वेई 33 वर्षांची आहे, तर नाओमीचे वय 21 आहे.

"हा विजय म्हणजे अत्यंत भावोत्कट क्षण आहे. अव्वल प्रतिस्पर्धीला केव्हाही हरविले तरी ती कामगिरी अनोखी असते,' असे स्यू-वेई म्हणाली. अन्य लढतींत दुसऱ्या क्रमांकावरील पेट्रा क्विटोवाने क्रोएशियाच्या डॉना वेकीचला 6-4, 3-6, 6-4 असे हरविले.

आता तिची फ्रान्सच्या कॅरोलिन गार्सियाविरुद्ध लढत होईल. कॅरोलीनने 15व्या मानांकित जर्मनीच्या ज्युलिया जॉर्जेसचा 6-0, 7-5 असा पराभव केला. गेल्या आठवड्यात इंडियन वेल्समधील स्पर्धा जिंकून प्रकाशझोतात आलेल्या कॅनडाच्या बियांका आंद्रीस्क्‍यू हिने आगेकूच कायम राखली. तिने चौथ्या क्रमांकावरील अँजेलिक केर्बरला 6-4, 4-6, 6-1 असे हरविले. गेल्या आठवड्यात तिने जर्मनीच्या अँजेलिकला अंतिम फेरीत शह दिला होता. बियांकाचा हा सलग दहावा विजय आहे. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: his su wei wins against naomi osaka

टॅग्स