पहिल्या वनडेपूर्वी रोहित शर्मासंदर्भात कोहलीनं केलं मोठ वक्तव्य

सकाळ ऑनलाईन टीम
Friday, 27 November 2020

रोहित शर्मा युएईतून आमच्यासोबत येईल असे वाटले होते. पण तसे झाले नाही,  आमच्यासोबत तो का आला नाही याची पूर्ण माहिती नाही, असे विराट म्हणाला आहे.  

भारतीय संघाचा कर्णधार विराट कोहलीने पहिल्यांदाच रोहित शर्माच्या दुखापतीवर भाष्य केले. सिडनीतील वनडे सामन्याने भारताच्या ऑस्ट्रेलिया दौऱ्याला आजपासून सुरुवात होता आहे. पहिल्या वनडे सामन्यापूर्वी विराट कोहलीनं प्रसारमाध्यमांशी संवाद साधला.

रोहित शर्माच्या दुखापतीसंदर्भात संभ्रमाचे वातावरण असून त्याच्या दुखापतीसंदर्भात माझ्याकडे काहीही अपडेट्स नाहीत. रोहित शर्मा युएईतून आमच्यासोबत येईल असे वाटले होते. पण तसे झाले नाही,  आमच्यासोबत तो का आला नाही याची पूर्ण माहिती नाही, असे विराट म्हणाला आहे.  

ऑस्ट्रेलिया दौऱ्यातील प्रत्येक सामन्याचे लाईव्ह अपडेट्स आणि इतर बातम्यांसाठी येथे क्लिक करा

 

ऑस्ट्रेलिया विरुद्धच्या सिडनीतील पहिल्या वनडे सामन्यापूर्वी रोहित शर्मासंदर्भात कोहलीला प्रश्न विचारण्यात आला होता. यावर उत्तर देताना कोहलीने संभ्रम आणखी वाढवला. युएईहून ऑस्ट्रेलियासाठी निघताना तो आमच्यासोबत असेच आम्हाला वाटले होते. पँ महिन्याच्या सुरुवातीला झालेल्या निवड समितीच्या बैठकीत रोहित शर्मा ऑस्ट्रेलिया दौऱ्यासाठी उपलब्ध नाही असे शेवटच्या क्षणी कळाले.  यासंदर्भात ईमेलवरुन माहिती मिळाली होती.  

तो संघात नसल्याचा ई-मेल मिळाल्यानंतर तो आयपीएल सामन्यात मैदानात उतरला. त्यामुळे तो आमच्यासोबत ऑस्ट्रेलिया दौऱ्याला येईल असेच वाटले होते. पण तो आमच्यासोबत नव्हता. यासंदर्भात आम्हाला कोणतीही कल्पना नाही. त्याच्या अनुपस्थितीबाबत संभ्रमाचे वातावरण आहे, असे विराट कोहलीने म्हटले आहे. रोहितच्या फिट अनफिटच्या खेळानंतर विराट कोहलीच वक्तव्यावर अनेक उलट सुलट प्रतिक्रिया रंगण्याची चिन्हे आहेत.  


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: india tour of australia 2020 befor 1st odi virat kohli on rohit sharmas injury