India will win the T20 world cup says Adam Gilchrist
India will win the T20 world cup says Adam Gilchrist

T20 World Cup 2020 : गिलख्रिस्ट म्हणतो बघा हाच संघ असेल विश्‍वविजेता

नवी दिल्ली : ऑस्ट्रेलियाचा माजी कर्णधार ऍडम गिलख्रिस्ट याने पुढील वर्षी होणाऱ्या टी 20 विश्‍वकरंडक क्रिकेट स्पर्धेत भारताला संभाव्य विजेते म्हणून पसंती दिली आहे. 

टी 20 क्रिकेट म्हणजे निव्वळ लॉटरी आहे. लागली तर चांदी नाही, तर काहीच नाही असे या क्रिकेटचे स्वरुप आहे, असेही गिलख्रिस्ट म्हणाला. 
विश्‍वकरंडक क्रिकेट स्पर्धेत यजमानऑस्ट्रेलियासह इंग्लंड आणि न्यूझीलंड हे संघ विजेतेपदाच्या आघाडीवर असले, तरी यांना भारतीय संघाचे तगडे आव्हान असेल, असेही त्याने स्पष्ट केले. 

टी 20 क्रिकेट ही लॉटरी आहे. कोण जिंकेल हे सांगता येत नाही, असे सांगून गिलख्रिस्ट म्हणाला,""विजेतेपद कोण पटकाविणार हे सांगणे कठिण आहे. भारत, इंग्लंड, ऑस्ट्रेलिया आणि न्यूझीलंड हे चार संघ आघाडीवर असतील. पण, पसंती द्यायचीच झाली, तर मी भारताला देईन.'' 

टी 20 क्रिकेटमध्ये सध्या पाकिस्तान क्रमवारीत अव्वल आहे. त्यांनाही कमी लेखून चालणार नाही, असे गिलख्रिस्टचे म्हणणे पडले. शेवटी हा खेळ आहे. सामन्याच्या दिवशी ज्याचा खेळ चांगला होतो, तो संघ जिंकतो. त्यामुळे सर्व संघांना समान संधी असे म्हटले तर चूक ठरू नये, असेही त्याने सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com