IPL 2023 : पहिल्या विजयासह गुजरातला मोठा धक्का! दिग्गज कर्णधार बाहेर?

Kane Williamson Ruled Out IPL 2023 : आयपीएल 2023 मध्ये चेन्नई सुपर किंग्जवर विजय मिळवून आपल्या मोहिमेची सुरुवात करणाऱ्या गुजरात टायटन्सला मोठा धक्का बसला आहे. पहिल्या विजयानंतरच हार्दिक पांड्याचे टेन्शन वाढले आहे.

गुजरातचा स्टार खेळाडू आणि न्यूझीलंडचा दिग्गज कर्णधार केन विल्यमसन संपूर्ण स्पर्धेतून बाहेर पडल्याची बातमी आली आहे. विल्यमसन लीगच्या सुरुवातीच्या सामन्याचा भाग होता, पण क्षेत्ररक्षण करताना तो गंभीर जखमी झाला होता. त्याच्या गुडघ्याला दुखापत झाली होती. त्यामुळे त्याला मैदानाबाहेर जावे लागले.

पहिल्या विजयानंतरच गुजरातला मोठा धक्का बसला आहे. चेन्नईचा सलामीवीर ऋतुराज गायकवाडने 13व्या षटकात हवेत शॉट मारल्याने विल्यमसनला दुखापत झाली होती. विल्यमसन सीमारेषेजवळ त्याचा झेल घेण्याचा प्रयत्न करत होता. त्याने उडी मारली पण झेल घेऊ शकला नाही आणि स्वत:ला दुखापत झाली.

सीमारेषेवरच विल्यमसन वेदनेने ओरडू लागला. त्याला नीट उभेही राहता येत नव्हते. 2 खेळाडूंनी त्याला उचलून मैदानाबाहेर काढले. विल्यमसनच्या जागी साई सुदर्शन मैदानात आला आणि त्यानेही फलंदाजी करत 22 धावांचे योगदान दिले. स्टार स्पोर्ट्सशी बोलताना गुजरातचे प्रशिक्षक गॅरी कर्स्टन म्हणाले की, विल्यमसनची दुखापत योग्य वाटत नाही.

कर्स्टनला आशा आहे की सर्व काही ठीक आहे. विल्यमसनच्या दुखापतीमुळे न्यूझीलंडचे प्रशिक्षक गॅरी कर्स्टन त्यांच्या टेन्शन वाढले आहे. विल्यमसनला सावरायला वेळ लागेल असे कर्स्टनला वाटते. एकदिवसीय विश्वचषकही खेळला जाणार आहे आणि त्यामुळे विल्यमसनच्या दुखापतीमुळे गॅरी कर्स्टनलाही चिंता आहे.