महाराष्ट्र केसरी 2020 : अपंगत्वावर मात करत शशिकांत गाजवतोय आखाडे!

Shashikant-Akhade
Shashikant-Akhade

महाराष्ट्र केसरी 2020 : पुणे : कुस्तीसाठी शरीरसंपदा बलवान असावी लागते. कुस्ती ताकदीवर खेळला जाणारा खेळ आहे; पण कुंडल येथील क्रांती आखाड्यात सराव करणारा शशिकांत गावडे हा पायाने आणि हाताने अपंग असलेला पैलवान.

त्याने अनेक ताकदवान पैलवानांना चितपट केले आहे. अपंगत्वावर मात करत अनेक क्षेत्रांत यश मिळवल्याच्या यशोगाथा आपण ऐकल्यात; पण गावडे याने ज्या खेळात हातपाय धड असावे लागतात अशा कुस्ती क्षेत्रात आपले नाव केले आहे. 

त्याचे दोन्ही पाय कमजोर आहेत. हाताची बोटे लहान आहेत; मात्र आसपासच्या परिसरातील कुस्तीचे वातावरण पाहून त्याने सराव सुरू केला. बघताबघता त्याने अनेक मैदानांत लोकांची वाहवा मिळवली. त्याची कुस्तीतील जिगर पाहून कुस्तीशौकीन त्याला बक्षिसे देतात. मग शशिकांतचा हुरूप वाढतो.

क्रांती कारखान्याचे अध्यक्ष अरुण लाड यांनी शशिकांतला बळ दिले आहे. अपंगत्वावर मात करत आखाडे गाजवणाऱ्या शशिकांतला प्रशिक्षक सुनील मोहिते कुस्तीचे धडे देत आहेत.

पायाने आणि हाताने अपंग असलेला या पैलवान रोज जोर काढतो, हे त्याने सांगून पटत नाही; पण तो जेव्हा समोरच्या जोडीदाराशी भिडतो, लढतो तेव्हा त्याचे कौतुक करायला आपलाही हात खिशात जातो.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com