मेस्सी बहरला; बार्सिलोनाचा धडाका

lionel messi
lionel messi

बार्सिलोना - लिओनेल मेस्सीने ला लीगा स्पॅनिश साखळीतील धडाका कायम ठेवत दोन गोल केले. त्यामुळे बार्सिलोनाने ओसासुनाचा 7-1 धुव्वा उडवला, त्याच वेळी त्यांचे पारंपरिक प्रतिस्पर्धी रेयाल माद्रिदने विजेतेपदाची शर्यत कायम ठेवताना ला कोरुनाचा 6-2 असा पाडाव केला.

लिओनेल मेस्सी, आंद्रे गोम्स, पॅको ऍल्कासेर यांनी प्रत्येकी दोन; तर जेव्हीयर मॅशेरानो याने एक गोल करीत बार्सिलोनाचा विजय सुकर केला. बार्सिलोनाविरुद्ध पराजित झालेल्या संघात रेयालने नऊ बदल केले; पण त्यांच्या राखीव खेळाडूंनी गोलधडाका कायम ठेवला. आता बार्सिलोना, तसेच रेयालचे प्रत्येकी 78 गुण आहेत; पण रेयाल (33) बार्सिलोनापेक्षा (34) एक सामना कमी खेळले आहेत.

मेस्सीने गोल कसा करावा, हे दाखवीत बार्सिलोनाचे खाते झटपट उघडले. त्यांचा गोलधडाका सुरू होण्याच्या सुमारास त्यांना गोल स्वीकारावा लागला; पण बार्सिलोनाने वेळीच खेळ उंचावत विजय सुकर केला. एकतर्फी विजयास साजेसाच आमचा खेळ झाला, असे बार्सिलोनाचे मार्गदर्शक लुईस एन्रीक यांनी सांगितले.

टॉटनहॅमचे दडपण कायम
लंडन - टॉटनहॅम हॉटस्परने क्रिस्टल पॅलेसला 1-0 असे हरवून चेल्सीवरील दडपण कायम ठेवले. चेल्सीने साऊदम्प्टनला पराजित करून आपली आघाडी सात गुणांची केली होती; पण ती आता पुन्हा चार गुणांची झाली. ख्रिस्तियन एरिकसनने टॉटनहॅमचा विजयी गोल केला. आर्सेनलने लिस्टर सिटीला 1-0 हरवून चॅम्पियन्स लीगच्या आशा कायम ठेवल्या. या पराभवामुळे लिस्टर सिटी प्रीमियर लीगमधून बाद होण्याचा धोका निर्माण झाला आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com