सचिनला पडलाय मोठा प्रश्न! हा फलंदाज आऊट की नॉट आऊट?

नवी दिल्ली : यंदाच्या विश्वकरंडकात पंचाच्या खराब कामगिरीवरुन बरीच चर्चा झाली. त्यातच आता भारताचा माजी क्रिकेटपटू सचिन तेंडुलकरने ही एक विचित्र प्रश्न विचारुन सर्व पंचांना बुचकळ्यात पाडले आहे. 

सचिनने त्याच्या ट्विटर अकाउंटवरुन एक व्हिडिओ शेअर केला आहे. या व्हिडिओमध्ये सुरु असलेल्या सामन्यात गोलंदाजाने टाकलेल्या चेंडूवर फलंदाज चांगलाच चकतो आणि चेंडू थेट जाऊन यष्टींवर आदळतो. मात्र, एवढे होऊनही यष्टी खाली न पडता फक्त ऑफस्टंपच्या बरोबर मधोमध अडकतात. 

अशा विचित्र प्रकारात कोणाचा त्रिफळा उडलेला याआधी निदर्शनास आलेला नाही त्यामुळेच सचिनने याप्रकारे त्रिफळा उडाला तर तुम्ही पंच म्हणून काय निर्णय द्याल असा प्रश्न सर्वांना विचारला आहे.