SAvENG : पहिल्या कसोटीत इंग्लंडला हरवत आफ्रिकेने संपविला विजयाचा दुष्काळ!

SA-ENG
SA-ENG

सेंच्युरियन : दक्षिण आफ्रिकेने पहिल्या कसोटी क्रिकेट सामन्यात इंग्लंडला चौथ्याच दिवशी 107 धावांनी पराभूत केले. ग्रॅमी स्मिथ, मार्क बाऊचर, जॅक्‌ कॅलिस अशा आधीच्या पिढीतील दिग्गजांकडे मार्गदर्शन-संघटनाची धुरा आल्यानंतर आफ्रिकेने विजय मिळविणे चाहत्यांसाठी आनंददायक ठरले. मागील सलग पाच कसोटी हरल्यानंतर त्यांना प्रथमच विजय मिळाला. 

376 धावांच्या आव्हानासमोर 1 बाद 121 वरून इंग्लंडचा दुसरा डाव 268 धावांत आटोपला. वेगवान गोलंदाज कागिसो रबाडा याने सर्वाधिक चार विकेट टिपल्या. 

उपाहाराला इंग्लंडने 3 बाद 171 अशी वाटचाल केली होती; पण दुसऱ्या सत्रात रूट, स्टोक्‍स, बेअरस्टॉ, बटलर हे मोहरे गारद झाले. 

आफ्रिकेच्या पहिल्या डावात सर्वाधिक 95 धावा केलेला यष्टिरक्षक-फलंदाज क्विंटन डीकॉक सामनावीर ठरला. चार कसोटींच्या मालिकेतील दुसरी लढत तीन जानेवारीपासून केपटाऊनला होईल. 

संक्षिप्त धावफलक :

दक्षिण आफ्रिका : 284 व 272 विजयी विरुद्ध इंग्लंड 181 व 93 षटकांत सर्वबाद 268 (रॉरी बर्न्स 84-154 चेंडू, 11 चौकार, ज्यो रूट 48, बेन स्टोक्‍स 14, जॉनी बेअरस्टॉ 9, जॉस बटलर 22, कागिसो रबाडा 103-4, एन्रीक नॉर्कीए 56-3, केशव महाराज 37-2) 

आम्हाला या विजयाची नितांत गरज होती. ही सुरुवात आहे. कसोटी संघ म्हणून आपली प्रगती व्हायला हवी यासाठी आम्हाला भरीव प्रयत्न करायचे आहेत. ही वाटचाल प्रदीर्घ असेल, याची आम्हाला जाणीव आहे. 
- फाफ डू प्लेसी, आफ्रिका कर्णधार 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com