Loksabha 2019 : सनी देओल यांचा उमेदवारी अर्ज दाखल

लोकसभा 2019
चंदीगड : देशातील लोकसभा निवडणुकीत आपले नशीब अजमाविण्यासाठी रिंगणात उतरलेले अभिनेता आणि भाजपचे उमेदवार सनी देओल यांनी अमृतसरमधील सुवर्ण मंदिरात दर्शन घेतल्यानंतर गुरदासपूर लोकसभा मतदारसंघातून सोमवारी उमेदवारी अर्ज दाखल केला. 

त्यांच्यासह भाऊ बॉबी देओलही होते. सुवर्ण मंदिरात येताना सनी देओल (वय 62) यांनी गडद निळ्या रंगातील पगडी आणि निळ्या रंगातील शर्ट घातला होता. दर्शनानंतर ते गुरदासपूरला रवाना झाले. तेथे त्यांनी उमेदवारी अर्ज दाखल केला. नंतर तेथील पीडीए मैदानात त्यांची सभा झाली. या वेळी भाजपचे ज्येष्ठ नेते आणि शिरोमणी अकाली दलाचे ज्येष्ठ नेते उपस्थित होते. अर्ज दाखल केल्यानंतर सनी देओल मतदानासाठी मुंबईला गेले.