Election Results : लाव रे ते फटाके अन् वाजव रे ढोल!

मुंबई - शिवसेनेचे पक्षप्रमुख उद्धव ठाकरे यांचे बुधवारी अभिनंदन करताना मुख्यमंत्री देवेंद्र फडणीवस. या वेळी युवासेनेचे प्रमुख आदित्य ठाकरे, केंद्रीय मंत्री रामदास आठवले आणि रश्‍मी ठाकरे उपस्थित होते.
मुंबई - शिवसेनेचे पक्षप्रमुख उद्धव ठाकरे यांचे बुधवारी अभिनंदन करताना मुख्यमंत्री देवेंद्र फडणीवस. या वेळी युवासेनेचे प्रमुख आदित्य ठाकरे, केंद्रीय मंत्री रामदास आठवले आणि रश्‍मी ठाकरे उपस्थित होते.

मुंबई - देशात भाजपप्रणीत आघाडीच पुन्हा सत्तेवर येणार असल्याचे स्पष्ट होताच भाजप-शिवसेना नेत्यांनी मनसेप्रमुख राज ठाकरे यांची खिल्ली उडविण्यास सुरवात केली. ‘लाव रे ते फटाके’, ‘वाजव रे ढोल’ अशी पोस्टर लावण्यात आली. युतीच्या कार्यकर्त्यांनी ढोल-ताशांचा गजर करीत फटाक्‍यांची आतषबाजी केली. 

भाजपचे आमदार प्रसाद लाड यांनी ‘लाव रे फटाके’, ‘वाजव रे ढोल’ असे लिहिलेली पोस्टर लावली. शिवसेना कार्यकर्त्यांनी दादर येथील शिवसेना भवनासमोर ढोल पथकांना बोलावून राज ठाकरे यांची खिल्ली उडवीत जल्लोष केला. लोकसभा निवडणुकीच्या प्रचारादरम्यान राज ठाकरे यांनी मुंबई-पुण्यासह राज्यात दहा ठिकाणी सभा घेऊन भाजप-शिवसेना युतीवर कडाडून टीका केली होती.

त्यांनी भाषणादरम्यान ‘लाव रे तो व्हिडिओ,’ असे म्हणत पंतप्रधान नरेंद्र मोदी आणि मुख्यमंत्री देवेंद्र फडणवीस यांच्यावर जोरदार टीका केली होती.

लोकसभा निवडणुकीच्या निकालांनी राज ठाकरे यांच्या सभा आणि ‘लाव रे तो व्हिडिओ’ मोहीम फोल ठरवली आहे. त्यांनी सभा घेतलेल्या दहापैकी आठ मतदारसंघांत भाजपच्या उमेदवारांनीच बाजी मारली. या पार्श्‍वभूमीवर शिवाजी पार्क परिसर आणि शिवसेना भवनासमोर ‘वाजव रे ढोल’ आणि ‘लाव रे फटाके’ असा जल्लोष करीत शिवसेना कार्यकर्त्यांनी राज ठाकरे यांना प्रत्युत्तर दिले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com