esakal | Election Results : खानदेशी पुत्राचा गुजरातेत डंका
sakal

बोलून बातमी शोधा

CR-Patil

लोकसभेच्या सार्वत्रिक निवडणुकीत देशात सर्वाधिक मताधिक्‍याने निवडून येण्याचा मान खानदेशी पुत्र सी. आर. पाटील यांनी मिळविला आहे. नवसारी मतदारसंघातील प्रतिस्पर्धी उमेदवार धर्मेशभाई पटेल यांचा त्यांनी तब्बल ६ लाख ८९ हजार ६६८ मतांनी पराभव केला आहे. देशात  पाटील यांच्यासह ४ उमेदवारांनी ६ लाखांहून अधिक मताधिक्‍याने विजयी होण्याचा मान पटकविला आहे.

Election Results : खानदेशी पुत्राचा गुजरातेत डंका

sakal_logo
By
सकाळवृत्तसेवा

सी. आर. पाटलांचे ६ लाख ८९ हजारांचे मताधिक्‍य
नाशिक - लोकसभेच्या सार्वत्रिक निवडणुकीत देशात सर्वाधिक मताधिक्‍याने निवडून येण्याचा मान खानदेशी पुत्र सी. आर. पाटील यांनी मिळविला आहे. नवसारी मतदारसंघातील प्रतिस्पर्धी उमेदवार धर्मेशभाई पटेल यांचा त्यांनी तब्बल ६ लाख ८९ हजार ६६८ मतांनी पराभव केला आहे. देशात  पाटील यांच्यासह ४ उमेदवारांनी ६ लाखांहून अधिक मताधिक्‍याने विजयी होण्याचा मान पटकविला आहे.

हरियाना राज्यातील करनाल मतदारसंघातील भाजपचे संजय भाठिया यांनी ६ लाख ५६ हजार १४२, फरिदाबाद मतदारसंघातील भाजपचे कृष्णपाल हे  ६ लाख ३८ हजार २३९ व राजस्थान राज्यातील भीलवाडा मतदारसघातील सुभाषचंद्र बहेरिया ६ लाख १२ हजार मताधिक्‍यांनी निवडून आले आहेत. तसेच देशात ५ लाखांहून अधिक मताधिक्‍य मिळविणाऱ्या उमेदवारांचीही संख्या अधिक आहेत.

यात अमित शहा ५ लाख ५७ हजार, मध्य प्रदेश राज्यातील होशंगाबाद मतदारसंघाचे उमेदवार उदयप्रताप सिंह ५ लाख ५३ हजार ६८२, शंकर लालवानी (इंदूर) ५ लाख ४७ हजार, रमाकांत भार्गव (विदिशा) ५ लाख, उत्तर प्रदेशातील गाझियाबाद मतदारसंघाचे उमेदवार जनरल व्ही के. सिंह ५ लाख १५ हजार, राजस्थानमधील चितोड मतदारसंघाचे चंद्रप्रकाश जोशी ५ लाख ७६ हजार ८९७, राजसमंद मतदारसंघातील दिया कुमारी ५ लाख, दिल्लीतील दिल्ली वायव्य मतदारसंघातील हंसराज हंस ५ लाख ५३ हजार ८९७, पश्‍चिम (दिल्ली) प्रवेश साहेबसिंह वर्मा हे ५ लाख ७८ हजार ४८६, तमिळनाडू राज्यातील दिंडीगुल मतदारसंघातील द्रमुकचे वेलूस्वामी ५ लाख ३८ हजार ९७२, श्रीपेरुंबदुर मतदारसंघातील टी. आर. बालू ५ लाख ७ हजार ९५५ च्या मताधिक्‍याने विजयी झाले आहेत.

loading image