मुंबई : साताऱ्याच्या एकहाती राजकारणाला कलाटणी देण्याची क्षमता असलेल्या पुरुषोत्तम जाधव यांनी पुन्हा शिवसेनेत प्रवेश केला आहे. आज 'मातोश्री'वर शिवसेना पक्षप्रमुख उद्धव ठाकरे यांच्या उपस्थितीत जाधव यांनी परत शिवबंधन बांधले. राष्ट्रवादी कॉंग्रेसचे उदयनराजे भोसले यांच्या समोर शिवसेनेने पुन्हा त्यांचा प्रतिस्पर्धी म्हणून जाधव यांना मैदानात उतरवण्याचा निर्धार केला आहे.
जाधव यांनी या अगोदर 2009 च्या लोकसभा निवडणुकीत शिवसेनेच्या वतीने उदयनराजे यांना लढत दिली होती. त्यानंतर 2014 मध्ये शिवसेनेने त्यांची उमेदवारी नाकारत रिपब्लिकन पक्षाला जागा सोडली तेव्हा बंड करून जाधव यांनी अपक्ष म्हणून निवडणूक लढवली. त्यात त्यांना दुसऱ्या क्रमांकाची मते मिळाली होती. त्यानंतर जाधव यांनी भाजपमध्ये प्रवेश केला. मात्र, सध्या ही जागा शिवसेनेकडेच राहिली असल्याने त्यांनी परत शिवसेनेत प्रवेश केला आहे.
जाधव यांना कऱ्हाड दक्षिण व कऱ्हाड उत्तरमध्ये पसंती असल्याचे मानले जाते. गेल्या निवडणुकीत त्यांनी या दोन्ही तालुक्यांतून विक्रमी मते घेतली होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.