Loksabha 2019 : 'आम्ही कोणालाही घाबरत नाही'

Loksabha 2019 : 'आम्ही कोणालाही घाबरत नाही'

नवी दिल्ली : पंतप्रधान नरेंद्र मोदी यांच्या सरकारने भारतातील घटनात्मक संस्थांवर हल्ला केला. त्यांच्याकडून देशातील जनतेला मूर्ख समजले जात आहे. त्यामुळे आता लोकांना मूर्ख समजणे बंद करा, अशा शब्दांत काँग्रेसच्या सरचिटणीस प्रियांका गांधी यांनी मोदींवर निशाणा साधला. तसेच आम्ही कोणालाही घाबरत नाही, असेही त्या म्हणाल्या.

पंतप्रधान मोदी आणि भाजपकडून घराणेशाहीच्या आरोपावरून काँग्रेसवर वारंवार टीका केली जात आहे. त्यावर प्रियांका गांधी यांनी प्रत्युत्तर दिले. त्या म्हणाल्या, आमच्यावर जेवढी टीका केली जाईल. तेवढेच आम्ही भक्कम होऊ. आम्ही कोणालाही घाबरत नाही. नरेंद्र मोदी यांनी जनतेला मूर्ख समजणे बंद करायला हवे. त्यांच्या सरकारकडून मागील पाच वर्षांत देशाच्या प्रत्येक घटनात्मक संस्थांवर हल्ला केला गेला, असा आरोपही प्रियंका गांधी यांनी यावेळी केला.

दरम्यान, 'संस्थात्मक आदर आणि संस्थात्मक द्वेष - दोन विभिन्न दृष्टीकोन' यावर पंतप्रधान मोदी यांनी एक लेख लिहिला. त्यामध्ये त्यांनी माध्यमांपासून संसदेपर्यंत कोणीही काँग्रेसच्या राजकारणापासून सुटलेले नाही, असे लिहिले आहे. त्याच पार्श्वभूमीवर प्रियांका गांधी यांनी मोदींवर टीकास्त्र सोडले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com