चिकलठाणा विमानतळावर एक कोटी रुपयांचे तीन किलो सोने जप्त

चिकलठाणा विमानतळावर एक कोटी रुपयांचे तीन किलो सोने जप्त

औरंगाबाद  : चिकलठाणा आंतरराष्ट्रीय विमानतळावर सायंकाळी दिल्लीहून आलेल्या विमानातील एका प्रवाशाचा ताब्यातुन कस्टम विभागाच्या अधिकाऱ्यांनी तीन किलो सोने जप्त केले, असल्याची माहिती सूत्रांनी दिली. दिल्ली- औरंगाबाद या एअर इंडियाच्या विमानातुन चोरीचे सोने आणण्यात येणार असल्याची माहिती मुंबई कस्टम विभागाला मिळाली होती.

मुंबईच्या अधिकाऱ्यांनी औरंगाबादच्या अधिकाऱ्यांशी संपर्क साधून चिकलठाणा विमानतळावर सापळा लावला त्यानंतर सायंकाळी साडेसहा वाजता चिकलठाणा विमानतळावर विमान उतरताच सापळा लावलेल्या कस्टमच्या अधिकाऱ्यांनी संशयित प्रवाशा ची झडती घेतली. त्यावेळी, त्याच्या बॅगेत जवळपास एक कोटी रुपयांचे तीन किलो सोनं लपवलेले असल्याचे लक्षात आले. 

कस्टम विभागाच्या अधिकाऱ्यांनी हे तीन किलो सोने जप्त केले. या कारवाईबाबत प्रचंड गुप्तता बाळगण्यात आली आहे. विशेष म्हणजे कारवाई करताना केंद्रीय औद्योगिक दलाच्या कर्मचाऱ्यांना आणि स्थानिक पोलिसांना ही माहिती देण्यात आली नव्हती, असे सूत्रांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com