Crime : १७ मार्चला होतं लग्न, पण त्याआधीच बायकोवर अत्याचार करून केली हत्या
जालना : महाराष्ट्रातील जालना येथे एका व्यक्तीने आपल्या होणाऱ्या बायकोची हत्या केल्याची घटना उघडकीस आली आहे. पोलीस अधिकाऱ्यांनी रविवारी याबाबत माहिती दिली. घटनेची माहिती मिळताच पोलीस आता आरोपी तरुणाचा शोध घेत आहेत. मृत युवती अल्पवयीन होती.
या अधिकाऱ्याने सांगितले की, २४ वर्षीय आरोपी हा बुलढाणा जिल्ह्यातील वरुड येथील रहिवासी आहे, तर पीडित मुलगी जालन्यातील बेलोरा येथील रहिवासी आहे.
पोलिसांनी केलेल्या प्राथमिक तपासात १७ मार्च रोजी त्यांचे लग्न होणार होती. त्यामुळे त्यांचे आई-वडील लग्नाचे कपडे खरेदी करण्यासाठी लोणार येथे गेले होते. दरम्यान, आरोपी शनिवारी बेलोरा येथे पोहोचला आणि अल्पवयीन मुलीवर बलात्कार करून तिचा गळा चिरून खून केला.
कुटुंबीयांनी मुलगी रक्ताच्या थारोळ्यात पडलेली पाहिली. तोपर्यंत आरोपी गाव सोडून पळून गेला होता. आरोपीच्या कुटुंबीयांना हुंड्यापोटी दिलेले दोन लाख रुपये परत करावेत, या मागणीसाठी संतप्त नातेवाईकांनी पोलिसांसमोर निदर्शने केली.
दरम्यान गावात कायदा व सुव्यवस्था राखण्यासाठी पोलीस कर्मचारी हजर असून आरोपींना पकडण्याचे प्रयत्न सुरू आहेत, अशी माहिती सेवली पोलिस ठाण्याच्या अधिकाऱ्यांनी दिली. आरोपीविरुद्ध पोक्सो कायद्यान्वये गुन्हा दाखल करण्यात आला आहे.
हे ही वाचा
