मुंबई : राष्ट्रवादी काँग्रेसचे बंडखोर नेते अजित पवार यांना उपमुख्यमंत्रीपद मिळणार असल्याचे निश्चित झाले आहे. उद्या मुख्यमंत्र्यासह आणखी दोन जण उपमुख्यमंत्री पदाची शपथ घेणार आहेत. यामध्ये राष्ट्रवादी काँग्रेसचे अजित पवार आणि काँग्रेस प्रदेशाध्यक्ष बाळासाहेब थोरात हे उपमुख्यमंत्री पदाची शपथ घेतील.
रोहित पवार आणि आदित्य ठाकरेंना मिळणार 'ही' मंत्रीपदं?
अजित पवार यांनी राष्ट्रवादी काँग्रेस विरुद्ध बंड करत भाजपशी हाततमिळवणी केली होती. त्यावेळी मुख्यमंत्रीपदी देवेंद्र फडणवीस तर उपमुख्यमंत्री पदी अजित पवार यांनी शपथ घेतली होती. मात्र, तीन दिवसानंतरच त्यांनी राजीनामा दिल्याने भाजपचे अल्पमतातील सरकार कोसळले होते.
भाजपचे अल्पमतातील सरकार कोसळल्यानंतर शिवसेना, काँग्रेस आणि राष्ट्रवादी यांच्या महाराष्ट्र विकास आघाडीचे सरकार येणार हे निश्चि झाले असून उद्धव ठाकरे हे आता महाराष्ट्राचे नवे मुख्यमंत्री असतील हे निश्चित आहे. यात अजित पवार हे उपमुख्यमंत्री असतील. अजित पवार यांनी आज होणाऱ्या महाराष्ट्र विकास आघाडीच्या बैठकीलाही उपस्थिती लावली आहे. उद्या सायंकाळी शिवतीर्थावर हा शपथविधी होणार आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.