मुंबई : शिवसेना-भाजपचे गोत्र एकच आहे. सेनेसोबत सरकार स्थापन करावे आणि जनतेच्या महाजनादेशाचा आदर हीच आमची भूमिका आहे. चर्चा, संवादातून समस्या सुटू शकतात. सेनेसोबत सरकार स्थापन करावे ही आमची भावना आहे. सहा नोव्हेंबरपूर्वी राज्यात शपथविधी होईल, असे भाजप नेते सुधीर मुनगंटीवार यांनी म्हटले आहे.
भाजप आणि शिवसेना यांच्यात आतापर्यंत सत्तास्थापनेबाबत एकमत झालेले नाही. दोन्ही पक्षांकडून मुख्यमंत्री पदावर दावा सांगण्यात येत आहे. मुनगंटीवार यांनी राष्ट्रपती राजवटीबाबत केलेल्या वक्तव्यावरून शिवसेनेने नाराजी व्यक्त केली आहे. यावर आता मुनगंटीवार यांनी स्पष्टीकरण दिले आहे.
मुनगंटीवार म्हणाले, की मनात राग ठेवला असता तर निवडणुकीत एकत्र आलो नसतो. शिवसेना आणि काँग्रेस कशी एकत्र येऊ शकते. शिवसेना काँग्रेसची विचारधारा वेगळी आहे, त्यांच्या विचारांचा कुठेच मेळ लागत नाही. राष्ट्रवादीची विरोधात बसण्याची स्पष्ट भूमिका आहे. फडणवीस एकटे पडलेले नाहीत. मी युती तोडण्याची भाषा करत नाही. मी युती जोडणाऱ्यांमध्ये तोडणारा नाही.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.