कर्जमाफीचा मानकरी पोलिसांच्या ताब्यात

Vidhimandal-Session
Vidhimandal-Session

कर्जमाफीचा पहिला मानकरी म्हणून ज्या शेतकऱ्याचा सह्याद्री अतिथिगृह येथे मुख्यमंत्र्यांनी प्रमाणपत्र देऊन गौरव केला, त्याच अशोक मनवर यांना आज मंत्रालयात पोलिसांनी अटक केल्याने याचे तीव्र पडसाद विधिमंडळत उमटले.

विधान परिषदेचे सभापती रामराजे नाईक निंबाळकर यांनीही याची गंभीर दखल घेतली. अशोक मनवर हे वाशीम जिल्ह्यातील जामरूण जहाँगीर गावचे  शेतकरी आहेत. त्यांना राज्यातील शेतकरी कर्जमाफीमध्ये पहिली कर्जमाफी झाली होती. रीतसर अर्ज करून संगणकीकृतरीत्या त्यांना सरकारने कर्जमाफी दिली होती. त्यासाठी त्यांना कर्जमाफीचे प्रमाणपत्रदेखील देण्यात आले होते.

मात्र, दोन वर्षे लोटली तरी केवळ हातात प्रमाणपत्रच असून, कर्जाची रक्‍कम मात्र खात्यावर जशीच्या तशी असल्याने तो फिर्याद मांडण्यासाठी ते मंत्रालयात आले होते. मात्र, मंत्रालय पोलिसांनी त्यांना अटक केली. तारांकित प्रश्नांच्या चर्चेत सहभागी होताना धनंजय मुंडे यांनी दुष्काळग्रस्त शेतकऱ्यांची व्यथा मांडली.

निलंबनाचे सभापतींचे निर्देश
कर्जमाफी आणि अन्य विविध मागण्यांसाठी विधिमंडळात आलेल्या नामदेव पतंगे आणि अशोक मनवर या शेतकऱ्यांना बेकायदेशीररीत्या अटक केलेल्या पोलीस अधिकाऱ्याला तातडीने निलंबित करण्याचे निर्देश सभापती रामराजे नाईक निंबाळकर यांनी आज सरकारला विधान परिषदेत दिले. राज्य सरकारने केलेल्या कर्जमाफी योजनेत मराठवाड्यातील नामदेव पतंगे आणि अशोक मनवर या शेतकऱ्यांचा समावेश होता. मध्यंतरी पतंगे यांनी शेतीसाठी किडनी विकण्याची परवानगी सरकारकडे मागितली होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com