इच्छा असूनही महसूलमंत्री बोललेच नाहीत

सोलापूर - महसूलमंत्री चंद्रकांत पाटील यांचे गुरुवारी विमानतळावर आगमन झाले. त्यांच्यासोबत सहकारमंत्री सुभाष देशमुख, आमदार सचिन कल्याणशेट्टी आदी.
सोलापूर - महसूलमंत्री चंद्रकांत पाटील यांचे गुरुवारी विमानतळावर आगमन झाले. त्यांच्यासोबत सहकारमंत्री सुभाष देशमुख, आमदार सचिन कल्याणशेट्टी आदी.

सोलापूर - कार्तिकी एकादशीनिमित्त श्री विठ्ठलाची पूजा करण्यासाठी महसूलमंत्री चंद्रकांत पाटील आज सायंकाळी विमानतळावर आले.

त्यांच्यासोबत सहकारमंत्री सुभाष देशमुख होते. पाटील यांनी विमानातून खाली आल्यानंतर या ठिकाणी पत्रकार नाहीत का, असा प्रश्‍न कार्यकर्त्याला केला. त्या वेळी त्या कार्यकर्त्याने परस्परच पत्रकार आले नसल्याचे सांगून टाकले. त्यामुळे इच्छा असूनही महसूलमंत्री चंद्रकांत पाटील हे माध्यमाला  बोलू शकले नाहीत. 
राज्यात सध्या अस्थिरतेचे वातावरण आहे. अशाही स्थितीत महसूलमंत्री पाटील हे विठ्ठलाच्या पूजेसाठी पंढरपूरला गेले आहेत. मुंबईहून त्यांच्यासोबत त्यांच्या पत्नी व सहकारमंत्री देशमुख हे विमानतळावर आले. पाटील यांचे विमानतळावर आमदार सचिन कल्याणशेट्टी, भाजपचे शहराध्यक्ष विक्रम देशमुख आदींनी स्वागत केले. सत्तास्थापनेच्या संदर्भात आज राज्यपालांची भेट घेतली असल्याचे चंद्रकांत पाटील यांनी या वेळी कार्यकर्त्यांना बोलताना सांगितले.

सहकारमंत्र्यांच्या घरी चहापान
पाटील यांचे विमानतळावर आगमन झाल्यानंतर त्यांनी थेट सहकारमंत्री देशमुख यांच्या घरी चहापानाला जाण्याचा निर्णय घेतला. त्यानंतर वाहनांचा ताफा थेट सहकारमंत्र्यांच्या होटगी रोडवरील घरी गेला. साडेपाच ते सव्वासहाच्या दरम्यान पाटील हे सहकारमंत्र्यांच्या घरी होते. देशमुख यांचा पाहुणचार घेतल्यानंतर पाटील हे पंढरपूरच्या विठ्ठलाकडे रवाना झाले. उद्या (शुक्रवारी) पहाटे त्यांच्या हस्ते विठ्ठलाची महापूजा होणार आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com