सहसचिवाच्या वाहनाचा दुरुस्ती खर्च लाखाच्या वर
मुंबई - मंत्रालयातील आरोग्य विभागाच्या सहसचिवाच्या वाहनाचा दुरुस्ती खर्च तब्बल एक लाख 13 हजार 557 रुपये असून, या खर्चाला राज्य सरकारने परवानगी दिल्याचा शासन निर्णय जारी करण्यात आला आहे.
सार्वजनिक आरोग्य विभागाच्या सहसचिवांच्या वापरात असलेल्या वाहनाच्या दुरुस्तीसाठी येणाऱ्या अंदाजपत्रकास शासनाने मान्यता दिली आहे.
क्र. एमएच-01- एस ए 7799 (होंडा सिटी) या वाहनाच्या दुरुस्तीसाठी एक लाख 13 हजार 557 इतक्या रकमेला मान्यता देण्यात आली आहे. वास्तविक पहाता होंडा सिटी वाहनाची दुरुस्ती काही हजार रुपयांत होत असताना सरकारकडून लाखो रुपयांची उधळपटी कशासाठी, असा प्रश्न उपस्थित केला जात आहे. ही बाब "चहा पेक्षा किटली गरम' या प्रकारातली असल्याची मंत्रालयात चर्चा आहे.
|