महाराष्ट्रात पुन्हा निवडणुकीचे वारे; जूनमध्ये ग्रामपंचायतीची रणधुमाळी

voting
voting

मुंबई - राज्यातील विविध २० जिल्ह्यांमधील १४६ ग्रामपंचायतींच्या सार्वत्रिक ; तसेच ६२ ग्रामपंचायतींच्या थेट सरपंचपदांच्या आणि विविध ग्रामपंचायतींमधील ६ हजार ७१९ सदस्यपदांच्या रिक्त जागांच्या पोटनिवडणुकांसाठी २३ जून २०१९ रोजी मतदान होणार आहे. त्यासाठी संबंधित ठिकाणी आचारसंहिता लागू झाली आहे, अशी माहिती राज्य निवडणूक आयुक्त ज. स. सहारिया यांनी सोमवारी येथे दिली.

सहारिया यांनी सांगितले की, जुलै २०१९ ते सप्टेंबर २०१९ या कालावधीत मुदत संपणाऱ्या ग्रामपंचायतींच्या या सार्वत्रिक निवडणुका होत आहेत. सार्वत्रिकसह सर्व निवडणुकांसाठी उमेदवारी अर्ज ३१ मे २०१९ ते ६ जून २०१९ या कालावधीत स्वीकारले जातील. २ व ५ जून २०१९ या दोन सुटीच्या दिवशी अर्ज स्वीकारले जाणार नाहीत. छाननी ७ जून रोजी होईल. अर्ज १० जूनपर्यंत मागे घेता येतील.

त्याच दिवशी निवडणूक चिन्हांचे वाटप होईल. मतदान २३ जून रोजी होईल. गडचिरोली जिल्ह्यातील ग्रामपंचायतींसाठी सकाळी ७.३० पासून दुपारी ३.०० पर्यंत मतदानाची वेळ असेल. मतमोजणी २४ जून रोजी होईल.

निवडणूक होणाऱ्या ग्रामपंचायतींची जिल्हानिहाय संख्या - पालघर - ७, रायगड - ८, रत्नागिरी- १, नाशिक - ७४, धुळे - १, जळगाव - १, नगर - १०, पुणे - ३, सातारा - ३, सांगली - १, कोल्हापूर - १, उस्मानाबाद - १, लातूर - २, नांदेड - १, अकोला - १, यवतमाळ - ३, वाशीम - १, बुलडाणा - १, वर्धा - ४ आणि चंद्रपूर - २२. एकूण - १४६.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com