राज्यावर भारनियमनाचे सावट

Loadshading
Loadshading

नागपूर - राज्यातील महानिर्मितीच्या वीजनिर्मिती प्रकल्पांमध्ये अगदी दोन-चार दिवस पुरेल एवढाच कोळशाचा साठा शिल्लक आहे. त्याचा काटकसरीने उपयोग करीत विजेची गरज भागविण्याची कसरत सुरू आहे. कोळशाचा वेळेत पुरवठा झाला नाही तर ऐन सणासुदीत राज्यात भारनीयमनाची वेळ येऊ शकते.

महानिर्मितीच्या औष्णिक वीज प्रकल्पांना वेस्टर्न कोलफिल्ड लिमिटेड (वेकोलि) महानदी कोलफिल्ड लिमिटेड, साऊथ ईस्टर्न कोलफिल्ड लिमिटेड, सिंगरानी कॉलरी येथून कोळशाचा पुरवठा होतो. याशिवाय रस्तेमार्गाने नागपूर जिल्ह्यातील गोंडेगाव, इंदर, कामठी, भानेगाव, सिंगोरी या पाच ठिकाणच्या खाणींमधून कोळसा पुरविला जातो. परंतु, गेल्या काही दिवसांपासून  कोळशाची आवक फारच कमी झाली आहे. 

कोळशाची टंचाई निर्माण झाल्याने कोराडीचे ७ व ९ क्रमांकाचे संच बंद ठेवण्यात आले आहे. उर्वरित संचसुद्धा पूर्ण क्षमतेने कार्यरत नाहीत. कोराडीची क्षमता २४०० मेगावॉट असताना केवळ ७५० मेगावॉट विजेचे उत्पादन सुरू आहे. १३४० मेगावॉट स्थापित क्षमतेच्या खापरखेडा प्रकल्पातून केवळ ७५० मेगावॉट, २९२० क्षमतेच्या चंद्रपूर प्रकल्पातून २००० मेगावॉट विजेचीच निर्मिती होऊ शकली.

महानिर्मितीच्या प्रकल्पांची स्थापित क्षमता व प्रत्यक्ष उत्पादन (मंगळवारी नोंदविलेले)
प्रकल्प    स्थापित क्षमता(मे.वॉ)           प्रत्यक्ष उत्पादन (मे.वॉ)

कोराडी             २४००                         ५००
खापरखेडा          १३४०                         ७५०
चंद्रपूर              २९२०                          २०००
पारस               ५००                            २३५
परळी               ११७०                          ३२५
भुसावळ           १२१०                           ७४०
नाशिक             ६३०                            ३३०
पवनऊर्जा           ६७२                            ३००
जलविद्युत          २५००                          १०००
सौरऊर्जा           १८०                              ३५

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com