Monsoon Update
Monsoon Updatesakal

monsoon Update : मॉन्सूनबाबत मोठी अपडेट! 'या' कालावधीत धडकणार विदर्भात

नागपूर : नैऋत्य मोसमी वारे अर्थात मॉन्सून यंदा निर्धारित वेळेत अंदमानमध्ये दाखल झाला असून, पुढील आठवड्यात केरळमध्ये पोहोचण्याची शक्यता आहे. मॉन्सूनचा प्रवास याच गतीने पुढेही कायम राहिल्यास, मॉन्सून १५ ते २० जूनच्या दरम्यान विदर्भात धडकण्याची दाट शक्यता आहे. तसे संकेत प्रादेशिक हवामान विभागातर्फे देण्यात आले आहे.

Monsoon Update
Politics : भाजपच्या आणखी एका आमदाराला मंत्रीपदासाठीचा फेक कॉल आल्याचे उघड; पण...

भारतीय हवामान विभागाने दिलेल्या माहितीनुसार, मॉन्सूनने गेल्या १९ मे रोजी अंदमान व निकोबार बेटात प्रवेश केला असून, केरळच्या दिशेने आगेकूच सुरू झाली आहे. मॉन्सूनची प्रगती पुढेही अशीच कायम राहिल्यास येत्या चार जूनपर्यंत केरळमध्ये आगमन अपेक्षित आहे. त्यानंतर मॉन्सून कोकणमार्गे महाराष्ट्राच्या सीमेत दाखल होणार आहे.

Monsoon Update
BJP VS Shivsena: ‘तुम्हाला पद भाजपमुळं...उदय सामंतांसह दादा भुसेंना भाजप सहमुख्य प्रवक्त्याने सुनावलं

साधारणपणे केरळमधून विदर्भात यायला किमान दोन आठवड्यांचा अवधी लागतो. प्रवासात कसलाही अडथळा न आल्यास येत्या १५ ते २० जूनच्या दरम्यान विदर्भात मॉन्सून दाखल होण्याची दाट शक्यता आहे. तथापि मध्येच कमजोर पडल्यास थोडा उशीरही होऊ शकतो, असे प्रादेशिक हवामान विभागाच्या अधिकाऱ्यांनी सांगितले.

विदर्भाच्या मॉन्सूनच्या गेल्या दशकातील इतिहासावर नजर टाकल्यास तीन-चार वर्षांचा अपवाद वगळता मॉन्सूनचे वेळेत आगमन झाले आहे. दरवर्षीप्रमाणे मॉन्सूनच्या अगोदर विदर्भात काही ठिकाणी अवकाळी पाऊस पडणार असल्याचेही ते यावेळी म्हणाले.

मॉन्सूनवर विपरित परिणाम नाही

एप्रिल व मे महिन्यात बरसलेल्या अवकाळी पावसाचा आगामी मॉन्सूनवर विपरित परिणाम होणार नसल्याचे अधिकाऱ्यांनी सांगितले. मात्र यंदाच्या पावसाळ्यावर 'एल निनो'चा थोडाफार प्रभाव पडू शकतो, असे त्यांचे म्हणणे आहे. हवामान विभागाने यावर्षी ९६ टक्के पावसाचा अंदाज व्यक्त केला आहे, जो गतवर्षीच्या तुलनेत किंचित कमी आहे. यंदाचा मॉन्सून प्रत्यक्षात कसा व किती राहील, यासंदर्भात लवकरच घोषणा करण्यात येणार असल्याचे त्यांनी सांगितले. उल्लेखनीय म्हणजे, गतवर्षी विदर्भात २०१३ नंतर सर्वाधिक १२२७ मिलिमीटर पाऊस पडला होता.

विदर्भात दशकातील मॉन्सूनचे आगमन व पडलेला पाऊस

वर्ष तारीख एकूण पाऊस

२०२२ १६ जून १२२७ मिमी

२०२१ ९ जून ९६८ मिमी

२०२० १२ जून ८५२ मिमी

२०१९ २२ जून १०५४ मिमी

२०१८ ८ जून ८७५ मिमी

२०१७ १६ जून ७३१ मिमी

२०१६ १८ जून १०४५ मिमी

२०१५ १३ जून ८४८ मिमी

२०१४ १९ जून ८१७ मिमी

२०१३ ९ जून १३६० मिमी

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com