बृहन्मुंबई, पुण्याचे महापौरपद खुल्या संवर्गासाठी

सकाळ न्यूज नेटवर्क
गुरुवार, 14 नोव्हेंबर 2019

महापौरपदांचे आरक्षण पुढीलप्रमाणे -
अनुसूचित जमाती (सर्वसाधारण) : वसई-विरार
अनुसूचित जाती (सर्वसाधारण) : मीरा-भाईंदर
अनुसूचित जाती (महिला) : नगर, परभणी.
नागरिकांचा मागास प्रवर्ग (सर्वसाधारण) : लातूर, धुळे, अमरावती
नागरिकांचा मागास प्रवर्ग (महिला) : 
नांदेड-वाघाळा, सोलापूर, कोल्हापूर, मालेगाव
खुला (सर्वसाधारण) : बृहन्मुंबई, पुणे, नागपूर, ठाणे, नाशिक, कल्याण-डोंबिवली, सांगली, उल्हासनगर
 खुला (महिला) : नवी मुंबई, जळगाव, भिवंडी, अकोला, पनवेल, पिंपरी-चिंचवड, औरंगाबाद, चंद्रपूर

मुंबई - राज्यातील २७ महापालिकांच्या महापौर पदाच्या आरक्षणाच्या सोडती आज नगरविकास विभागाच्या प्रधान सचिव मनीषा म्हैसकर- पाटणकर यांच्या अध्यक्षतेखाली काढण्यात आल्या. बृहन्मुंबई, पुणे, नागपूर, ठाणे, नाशिकसह आठ महापालिकांचे महापौरपद खुल्या संवर्गासाठी असणार आहे.

बृहन्मुंबईचे महापौर विश्वनाथ महाडेश्वर यांच्यासह इतर महापालिकांचे महापौर, उपमहापौर; तसेच पदाधिकारी, नगरविकास विभागाचे सहसचिव पांडुरंग जाधव, अवर सचिव सचिन सहस्रबुद्धे, कक्ष अधिकारी श्रीमती निकिता पांडे, महापालिकांचे अधिकारी या वेळी उपस्थित होते. महापौर, सहसचिव जाधव; तसेच महापालिकांच्या पदाधिकाऱ्यांच्या हस्ते चिठ्ठी काढून महापौर पदाचे आरक्षण जाहीर करण्यात आले. विशेषत: प्रवर्गातील महिला आरक्षणाच्या सोडती महिला पदाधिकाऱ्यांच्या हस्ते काढण्यात आल्या.

प्रारंभी आरक्षण सोडतीबाबतच्या तरतुदी सांगण्यात आल्या. आरक्षण सोडत नियम २०१७ मधील तरतुदीनुसार या सोडत काढण्यात आल्या. अनुसूचित जमातीचे आरक्षण सोडत काढताना २००७ पासून अनुसूचित जमातीसाठी आरक्षित असलेल्या महापालिकांना सोडतीतून वगळण्यात आले; तसेच इतर संवर्गासाठी आरक्षण सोडत काढताना सध्या त्या संवर्गाचे आरक्षण असलेल्या महापालिकांना वगळण्यात येऊन अन्य महापालिकांतून आरक्षण काढण्यात आले.

 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: municipal mayor post draw politics