पुणे : विजयसिंह मोहिते पाटील यांनी माढ्यातून लढावे, असे राष्ट्रवादी काँग्रेसचे अध्यक्ष शरद पवार यांनी त्यांना स्पष्टपणे सांगितले होते. मी त्याला साक्षीदार आहे. मात्र मोहिते पाटलांनी दुसऱ्या नावाचा आग्रह धरला, असे स्पष्टीकरण राष्ट्रवादी काँग्रेसचे नेत अजित पवार यांनी दिले आहे.
लोकसभा निवडणुकीच्या अनुषंगाने आयोजित केलेल्या शहर राष्ट्रवादीच्या कार्यकर्ता मेळाव्यात अजित पवार बोलत होते. रणजितसिंह मोहिते पाटील यांनी बुधवारी भाजपमध्ये प्रवेश केला आहे. राष्ट्रवादी काँग्रेसला हा मोठा धक्का समजला होता. माढ्यातून त्यांना उमेदवारी न मिळाल्याने त्यांनी भाजपमध्ये प्रवेश केला होता.
अजित पवार म्हणाले, की विजयसिंह मोहिते पाटील यांना उमेदवारी द्यायचे ठरले होते. त्यांनी उमेवारी घेतली नाही. त्यांनी जे नाव पुढं केलं होते, त्याला माळशिरस वगळता मतदार संघातून विरोध होता. जयंत पाटील आणि पवार साहेबांचे पीए विजयसिंह मोहिते पाटील यांना फोन करत होते. मात्र शेवटचे दोन दिवस त्यांनी फोन बंद करुन ठेवला होता.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.