ठरलं ! वंचित आघाडी लढणार 'या' नव्या निवडणूक चिन्हावर

मुंबई : लोकसभा निवडणुकीत आपली ताकद दाखवणाऱ्या वंचित बहुजन आघाडी गॅस सिलींडर या निवडणुक चिन्हावर निवडणूक लढणार असल्याचे जवळपास निश्चित झाले आहे. लोकसभा निवडणुकीत राज्यातील जवळपास सर्वच मतदारसंघात आपला उमेदवार उभा करुन बहुतांश मते मिळविण्यात वंचित बहुजन आघाडीला यश आले होते.

आता विधानसभा निवडणुकीच्या पार्श्वभूमीवर वंचितने तयारी सुरू केली असून लोकसभा निवडणुकांवेळी कपबशी या चिन्हावर निवडणूक लढविणाऱ्या वंचित बहुजन आघाडीला आता निवडणूक आयोगाकडून चिन्ह देण्यात आलं आहे.

वंचितला गॅस सिलेंडर हे चिन्हे देण्यासोबतच संभाजी ब्रिगेडला शिलाई मशिन हे चिन्ह देण्यात आले आहे. त्यामुळे आगामी विधानसभा निवडणुकांमध्ये वंचितचे चिन्ह गॅस सिलेंडर हे असणार आहे.