नितेश राणेंच्या अटकपूर्व जामिनावरील सुनावणी पुढे ढकलली; उद्या निकालाची शक्यता | Sakal
sakal

बोलून बातमी शोधा

High Court Updates on Nitesh Rane Case
नितेश राणेंच्या अटकपूर्व जामिनावरील सुनावणी पुढे ढकलली; उद्या निकालाची शक्यता

नितेश राणेंच्या अटकपूर्व जामिनावरील सुनावणी पुढे ढकलली; उद्या निकालाची शक्यता

मुंबई : संतोष परब (Santosh Parab) यांच्यावरील कथीत जीवघेणा हल्ला प्रकरणी आमदार नितेश राणे (Nitesh Rane) यांच्या अटकपूर्व जामिनावर मुंबई हायकोर्टाकडून (Mumabi High Court) आजही निकाला येऊ शकला नाही. या प्रकरणी आता उद्या सुनावणी होणार आहे. दरम्यान, नितेश राणे यांना उद्यापर्यंत अटकेपासून दिलासा कायम असणार आहे. (Nitesh Rane prearrest bail hearing to be held tomorrow)

हेही वाचा: धर्म संसद : सुप्रीम कोर्टाची केंद्र, उत्तराखंड सरकारला नोटीस; दहा दिवसांनी सुनावणी

हायकोर्टाचं कामकाज सध्या दुपारी बारा ते तीन वाजेपर्यंत सुरु आहे. तीन वाजता कोर्टाची वेळ संपल्यानं आजचं कामकाज थांबवण्यात आलं. दरम्यान, नितेश राणेंच्या वकिलांकडून त्यांची बाजू आज मांडण्यात आली. यानंतर आता उद्या दुपारी एक वाजता या प्रकरणी पुन्हा सुनावणी होणार आहे.

हेही वाचा: दिल्ली भाजप मुख्यालयात कोरोनाचा स्फोट; 42 कर्मचारी पॉझिटिव्ह

या अटकपूर्व जामिनावर जोपर्यंत मुंबई हायकोर्टा आपला निकाल देत नाही तोपर्यंत नितेश राणे यांच्यासह अन्य आरोपींविरोधात कुठलीही कठोर कारवाई होणार नाही, अशी ग्वाही राज्य शासनानं हायकोर्टात दिली आहे. याची नोंद घेत हायकोर्टानं उद्या दुपारी सुनावणी घेण्याच निश्चित केलं आहे.

हेही वाचा: भारताला दोन गोष्टींमुळे पत्करावी लागेल जोखीम; WEF चा इशारा

दरम्यान, आजच्या सुनावणीत नितेश राणे यांच्या वकिलांकडून अटकपूर्व जामीन अर्जावर युक्तीवाद पूर्ण करण्यात आला. यावेळी त्यांनी हे प्रकरण निव्वळ राजकीय वैमन्यस्यातून उकरुन काढत नितेश राणे यांच्यावर गुन्हा दाखल करण्यात आल्याचा आरोप केला. विधानभवनातील म्याव म्याव प्रकरणानंतर जुन्या प्रकरणावरुन त्यांच्यावर हा गुन्हा दाखल केल्याचं यावेळी राणेंच्या वकिलांनी कोर्टाला सांगितलं.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
loading image
go to top