आता थोडेसे 'सस्ते दिन'; पेट्रोल पाच रूपयांनी स्वस्त!

मुंबई : केंद्र सरकारने पेट्रोल-डिझेलच्या दरात अडीच रुपयांनी कपात केल्यानंतर आता राज्य सरकारनेही पेट्रोल-डिझेलच्या किमतीत अडीच रुपयांची कपात केली आहे. त्यामुळे महाराष्ट्रातील जनतेला पेट्रोल-डिझेलच्या दरात एकूण पाच रुपयांचा दिलासा मिळणार आहे. इंधन कपातीबाबतची माहिती मुख्यमंत्री देवेंद्र फडणवीस यांनी ट्विटरवरून दिली.

केंद्रीय अर्थमंत्री अरुण जेटली यांनी आज इंधनाचे दर अडीच रुपयांनी कमी केले आहेत. त्यानंतर राज्य सरकारनेही इंधनाच्या दरात अडीच रुपयांनी कपात केली आहे. राज्य सरकारच्या या निर्णयामुळे राज्यात पेट्रोल-डिझेलच्या दरात एकूण पाच रुपयांनी कपात करण्यात येणार आहे. हे नवे दर आज मध्यरात्रीपासून लागू होणार आहेत.