विदर्भ-मराठवाड्यात मुसळधारेची शक्‍यता 

सकाळ न्यूज नेटवर्क
शुक्रवार, 21 सप्टेंबर 2018

मुंबई - बंगालच्या उपसागरात कमी दाबाचा पट्टा तयार झाला आहे आणि 21 सप्टेंबर रोजी त्याचे आगमन राज्यात होण्याचे संकेत आहेत. यामुळेच विदर्भ, मराठवाडा, खानदेश आणि मध्य-महाराष्ट्रातील बऱ्याच भागांत 21 आणि 22 सप्टेंबर रोजी पाऊस पडेल, असा अंदाज हवामान तज्ज्ञांनी व्यक्त केला आहे. पावसाच्या या स्थितीमुळे नदी-नाल्यांना पूर येण्यासारखी स्थिती उद्‌भवू शकते. म्हणूनच नदी-नाल्यांच्या काठी राहणाऱ्या लोकांनी सावध राहावे, अशा सूचना देण्यात आल्या आहेत. या पावसामुळे मराठवाडा व पश्‍चिम विदर्भावर घोंघावत असलेले दुष्काळाचे ढग दूर होण्याची शक्‍यता आहे. 

मुंबई - बंगालच्या उपसागरात कमी दाबाचा पट्टा तयार झाला आहे आणि 21 सप्टेंबर रोजी त्याचे आगमन राज्यात होण्याचे संकेत आहेत. यामुळेच विदर्भ, मराठवाडा, खानदेश आणि मध्य-महाराष्ट्रातील बऱ्याच भागांत 21 आणि 22 सप्टेंबर रोजी पाऊस पडेल, असा अंदाज हवामान तज्ज्ञांनी व्यक्त केला आहे. पावसाच्या या स्थितीमुळे नदी-नाल्यांना पूर येण्यासारखी स्थिती उद्‌भवू शकते. म्हणूनच नदी-नाल्यांच्या काठी राहणाऱ्या लोकांनी सावध राहावे, अशा सूचना देण्यात आल्या आहेत. या पावसामुळे मराठवाडा व पश्‍चिम विदर्भावर घोंघावत असलेले दुष्काळाचे ढग दूर होण्याची शक्‍यता आहे. 

गडचिरोली, चंद्रपूर, यवतमाळ, गोंदिया, भंडारा, हिंगोली, परभणी आणि जालना जिल्ह्यांसह आसपासच्या भागांत 21 व 22 या दोन दिवसांत मध्यम ते जोरदार पावसाची शक्‍यता आहे. उर्वरित विदर्भ, मराठवाडा, मध्य-महाराष्ट्र आणि खानदेशात हलका ते मध्यम स्वरूपाच्या पाऊस पडेल. मुंबई आणि कोकणात देखील या दरम्यान पावसाच्या काही सरी कोसळतील. परंतु दक्षिण मध्य- महाराष्ट्र आणि दक्षिण-मराठवाड्यात पावसाची शक्‍यता कमी राहील. या पावसामुळे राज्यातील तापमान तात्पुरते कमी होईल, परंतु आगामी आठवड्यापासून तापमानात परत वाढ होईल आणि उष्णता जाणवेल. 

शेतकऱ्यांनी या हवामानाच्या स्थितीनुसार शेतीचे नियोजन करावे आणि काढणी केलेल्या पिकांना सुरक्षित ठेवावे, असे आवाहन कृषी विभागाकडून करण्यात आले आहे. 

Web Title: The possibility of a rain in Vidarbha-Marathwada