जनसामान्यांना दणकाच; देशात महागाई वाढल्याचे सिद्ध

नवी दिल्ली: देशातील किरकोळ महागाई दर ऑक्टोबर महिन्यात वाढून 4.62 टक्क्यांवर पोचला आहे. सप्टेंबर महिन्यात देशातील किरकोळ महागाई दर 3.99 टक्क्यांवर होता. रिझर्व्ह बॅंकेने ठेवलेल्या 4 टक्क्यांच्या उद्दिष्टाला ओलांडत किरकोळ महागाई दरात वाढ झाली आहे.

'सकाळ'चे मोबाईल ऍप डाऊनलोड करा

केंद्रिय सांख्यिकी कार्यालयाने यासंदर्भातील आकडेवारी जाहीर केली आहे. मुख्य वस्तूंच्या (अन्नधान्य आणि खाद्यतेल वगळता) महागाईचा दर ऑक्टोबरमध्ये 3.5 टक्क्यांवर होता. सप्टेंबरमध्ये हा दर 4 टक्के इतका होता. सर्वसामान्यांसाठी जिव्हाळ्याच्या असलेल्या अन्नधान्यांच्या किंमतीत मात्र सप्टेंबरच्या तुलनेत ऑक्टोबरमध्ये वाढ झाली आहे. ऑक्टोबर महिन्यात अन्नधान्य आणि खाद्य पदार्थांच्या किंमतीत 7.89 टक्क्यांनी वाढ झाली आहे.

रोहित पवारांमुळे अंकिता पाटील, दत्ता झुरंगेंचा झेडपीचा मार्ग मोकळा!

सप्टेंबरमध्ये हीच वाढ 5.11 टक्क्यांनी झाली होती. कडधान्ये आणि तत्सम उत्पादनांचा महागाई दर 1.66 टक्क्यांवरून 2.16 टक्क्यांवर पोचला आहे. तर भाजीपाल्यासाठीचा महागाई दर ऑक्टोबरमध्ये 26 टक्क्यांवर पोचला आहे. सप्टेंबरमध्ये हाच दर 15.4 टक्क्यांवर होता.

राष्ट्रवादीसोबतच्या बैठकीबाबत अशोक चव्हाण म्हणाले...

डाळी आणि तत्सम उत्पादनांशी निगडीत महागाई दर सप्टेंबरमध्ये 8.4 टक्के होता तो ऑक्टोबरमध्ये 11.72 टक्क्यांवर पोचला आहे. देशाची अर्थव्यवस्था सध्या मंदावलेली आहे. देशाच्या अर्थव्यवस्थेचा विकासदर एप्रिल ते जून 2019 या कालावधीत 5 टक्क्यांवर आला आहे.