‘प्रोव्हिजनल’ प्रवेशावर अखेर तोडगा

Admission
Admission

सोलापूर - अभियांत्रिकीच्या द्वितीय वर्षात एक ते दोन विषयांत नापास झालेल्या अन्‌ उत्तरपत्रिका पुनर्मूल्यांकनासाठी अर्ज केलेल्या विद्यार्थ्यांना तिसऱ्या वर्षात प्रोव्हिजनल (तात्पुरता) प्रवेश घेता येतो. मात्र, त्या वेळी विद्यार्थ्यांकडून महाविद्यालय १०० टक्‍के शुल्क घेते. पुनर्मूल्यांकनानंतर विद्यार्थी अनुउत्तीर्ण राहिल्यास त्याला महाविद्यालय शुल्क परत देत नसल्याच्या तक्रारी प्राप्त झाल्यानंतर आता त्यावर ठोस तोडगा काढण्याचा निर्णय विद्यापीठांनी घेतला असून, याचा राज्यभरातील सुमारे २२ हजार विद्यार्थ्यांना लाभ होणार आहे.

पुण्यश्‍लोक अहिल्यादेवी होळकर सोलापूर विद्यापीठाशी संलग्न आठ अभियांत्रिकी महाविद्यालये आहेत. दरवर्षी सुमारे अडीच ते तीन हजार विद्यार्थी उत्तरपत्रिका पुनर्मूल्यांकनासाठी विद्यापीठाकडे अर्ज करतात. याचे प्रमाण राज्यभरात २५ हजारांपर्यंत आहे. द्वितीय वर्षात अनुत्तीर्ण झालेल्या विद्यार्थ्यांना तृतीय वर्षात ‘प्रोव्हिजनल’ प्रवेश देण्याचा नियम आहे. मात्र, त्या प्रवेशावेळी विद्यार्थ्यांकडून संबंधित महाविद्यालयांनी किती शुल्क घ्यावे, याबाबत काहीच नियमावली नाही. 

उत्तरपत्रिका पुनर्मूल्यांकनानंतर तो विद्यार्थी अनुत्तीर्णच राहिल्यास त्याला भरलेले शुल्क महाविद्यालयांकडून परत मिळत नाही, त्यामुळे विद्यार्थ्यांना लाखो रुपयांना मुकावे लागत आहे. काही पालकांनी विद्यापीठाकडे गाऱ्हाणे मांडूनही नियमावलीअभावी रिकाम्या पावलाने परतावे लागत आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com