राज्य सरकारी कर्मचाऱ्यांचा 20 ऑगस्टला संप

मुंबई - राज्य सरकारी कर्मचाऱ्यांच्या मागण्यांबाबत मागील वर्षी मुख्यमंत्री देवेंद्र फडणवीस यांच्याशी सकारात्मक चर्चा झाली होती; परंतु मागण्यांची पूर्तता झाली नसल्यामुळे राज्य सरकारी कर्मचारी संघटना 20 ऑगस्टला राज्यव्यापी लाक्षणिक संप करणार आहेत.

राज्यातील सरकारी-निमसरकारी कर्मचाऱ्यांच्या मागण्यांवर गेल्या वर्षी मुख्यमंत्री आणि मुख्य सचिवांच्या उपस्थितीत सकारात्मक चर्चा झाली होती. 1 जानेवारी 2016 पासून सातव्या वेतन आयोगाची अंमलबजावणी करण्याचा निर्णय घेण्यात आला होता; परंतु प्रत्यक्षात सातव्या वेतन आयोगाच्या शिफारशींनुसार भत्ते न देता जुन्या दराने दिले जात असल्याचा आरोप राज्य सरकारी कर्मचारी संघटनांनी केला असून, पुन्हा संपावर जाण्याचा निर्णय घेतला आहे.