मेघगर्जनेसह आज पावसाची शक्‍यता 

मेघगर्जनेसह आज पावसाची शक्‍यता 

पुणे - मध्य महाराष्ट्रातील तुरळक ठिकाणी विजांच्या कडकडाटासह येत्या गुरुवारी (ता. 3) पाऊस पडेल, असा इशारा हवामान खात्याने बुधवारी दिला आहे; तसेच मराठवाडा, विदर्भ आणि कोकणातील काही भागांत पावसाच्या सरी पडण्याची शक्‍यता हवामान खात्याने वर्तविली. 

सोलापूर, अकोला, सातारा या भागासह वादळी वाऱ्यासह पूर्वमोसमी पाऊस पडला. राज्यातील बहुतांश ठिकाणी तुरळक पावसाने हजेरी लावली. या पार्श्‍वभूमीवर मध्य महाराष्ट्रात पुढील चोवीस तासांमध्ये पूर्वमोसमी पावसाचा इशारा देण्यात आला आहे. विजांच्या कडकडाटासह हा पाऊस पडेल, तसेच विदर्भातही येत्या शुक्रवारी (ता. 7) ढगांच्या गडगडाटासह पावसाच्या सरी कोसळतील, असेही हवामान खात्याने स्पष्ट केले. 

राज्यातील मध्य महाराष्ट्र, विदर्भ, मराठवाडा आणि कोकण चारही हवामान उपविभागांत पुढील चार दिवस तुरळक पावसाच्या सरींची शक्‍यता वर्तविण्यात आली आहे. 

पुण्याने अनुभवली पुन्हा उष्णतेची लाट 
पुणेकरांनी गेल्या महिन्याप्रमाणेच बुधवारी पुन्हा उष्णतेची लाट अनुभवली. शहर आणि परिसरात उन्हाचा चटका वाढल्याचे अनुभव पुणेकरांनी घेतला. दोन दिवसांपूर्वी कमाल तापमान 36 अंश सेल्सिअसपर्यंत खाली आले होते. मात्र, बुधवारी पुन्हा उन्हाचा कमाल तापमानाचा पारा सरासरीपेक्षा 6.4 अंश सेल्सिअसने वाढून 40.1 अंश सेल्सिअस नोंदला गेला. लोहगाव येथे सरासरीपेक्षा कमाल तापमानाच्या पाऱ्याने 7.8ने उसळी मारली. तेथे 40.8 अंश सेल्सिअस तापमानाची नोंद झाली. पुण्यात गुरुवारी (ता. 6) आकाश अंशतः ढगाळ राहण्याची शक्‍यता 25 ते 50 टक्के असल्याने कमाल तापमानाचा पारा अंशतः कमी होईल, असेही हवामान खात्यातर्फे सांगण्यात आले. दरम्यान, राज्यात ब्रह्मपुरी येथे सर्वाधिक म्हणजे 47.5 अंश सेल्सिअस तापमानाची नोंद झाली. सरासरीपेक्षा 7 अंश सेल्सिअसने हे तापमान वाढले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com