Vidhansabha 2019 : काँग्रेससोबत युती नाही - ॲड. प्रकाश आंबेडकर

Prakash-Ambedkar
Prakash-Ambedkar

मुंबई - राज्यातील आगामी विधानसभा निवडणुकीत वंचित बहुजन आघाडी काँग्रेससोबत युती करणार नसल्यावर वंचित आघाडीचे नेते ॲड. प्रकाश आंबेडकर यांनी शिक्‍कामोर्तब केले. काँग्रेससोबत चर्चेची दारे बंद करण्यात आली असली तरी ‘एमआयएम’सोबत मात्र शेवटपर्यंत आघाडी करण्याचे प्रयत्न सुरूच ठेवणार असल्याचेही त्यांनी स्पष्ट केले.

लोकसभा निवडणुकीनंतर काँग्रेसला आघाडीत घेण्याची तयारी दाखवणाऱ्या ‘वंचित’ने काँग्रेसला खिजवण्याची एकही संधी सोडली नसल्याने काँग्रेसने ‘वंचित’ला फार दाद दिली नव्हती. ‘वंचित’ने घातलेल्या अटींना काँग्रेसने फार दाद न दिल्याने अखेरीस काँग्रेससोबत यापुढे चर्चा करणार नसल्याचे ॲड. आंबेडकर यांनी पत्रकार परिषदेत जाहीर केले. वंचित बहुजन आघाडीने लोकसभा निवडणुकीत काँग्रेसला जोरदार आव्हान दिले होते. औरंगाबादमध्ये आघाडीचा खासदारही निवडून आला. त्यामुळे विधानसभा निवडणुकीत ‘वंचित’ला सोबत घेण्याचे प्रयत्न काँग्रेस-राष्ट्रवादीने सुरू केले होते. मात्र, ‘राष्ट्रवादी’ला वगळून काँग्रेससोबत युती व्हावी, असा आग्रह ‘वंचित’चा होता. तसेच विधानसभा निवडणुकीत ५० टक्के जागांची मागणी केली होती. त्याला काँग्रेसकडून फारसा प्रतिसाद मिळाला नाही. अखेरीस आज काँग्रेससोबत युती होणार नसल्याचे आंबेडकरांनी जाहीर केले. ‘वंचित’ने युतीसाठी काँग्रेसपुढे जाचक अटी ठेवल्याचा आरोप त्यांनी फेटाळून लावला.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com