- ताज्या
- देश
- शहरशहर
- लोकसभा २०२४
- क्रीडा / IPLक्रीडा / IPL
- साप्ताहिक
- Epaper
- सकाळ मनी
- व्हायरल सत्य
- प्रीमियर
- महाराष्ट्र
- आणखीआणखी
- सकाळ +
- वेब स्टोरीज
- ग्लोबल
- ॲग्रोवन
- साम TV
- सरकारनामा
- दैनिक गोमन्तक
काँग्रेस आघाडीशी ताणलेल्या संबंधाच्या पार्श्वभूमीवर वंचित बहुजन आघाडीने इच्छुकांच्या मुलाखती, कार्यकर्त्यांच्या प्रशिक्षणावर भर दिला आहे. उमेदवारीही लवकर जाहीर होईल. त्यामुळे काँग्रेस आघाडी आणि वंचित कितपत आघाडी करतील, ही शंकाच आहे.
लोकसभा निवडणुकीत अनेक जागांवर काँग्रेस-राष्ट्रवादी आघाडीला मोठा धक्का देणाऱ्या वंचित बहुजन आघाडीने विधानसभा निवडणुकांसाठीही जोरदार तयारी चालवली आहे. पक्षाकडून राज्यभरातील विधानसभा मतदारसंघांचा सामाजिक-राजकीय परिस्थितीनुसार अभ्यास पूर्ण झाल्याचा दावा केला जात आहे. अनेक ठिकाणी इच्छुक उमेदवारांच्या मुलाखतीही झाल्या आहेत. विधानसभेच्या सर्व २८८ जागांवर उमेदवार उभे करण्याच्या दृष्टीने तयारी सुरू आहे. काँग्रेसने आघाडीबाबत ठोस पुढाकार न घेतल्यास वंचित बहुजन आघाडीकडून येत्या १० रोजी उमेदवारांची पहिली यादी जाहीर होण्याची शक्यता पक्षातील सूत्रांनी वर्तवली आहे.
माफीनंतरच बोलणी
लोकसभा निवडणुकीत वंचित बहुजन आघाडीमुळे मतविभाजन होऊन काँग्रेस-राष्ट्रवादी काँग्रेसच्या अनेक उमेदवारांना फटका बसला. काहींचा दारुण पराभव झाला. त्यामुळे ॲड. प्रकाश आंबेडकर यांच्या नेतृत्वाखालील वंचित बहुजन आघाडीला महाआघाडीसोबत घेण्याबाबत काँग्रेसचे प्रदेश स्तरावरील नेते आग्रही आहेत. काँग्रेसच्या आघाडीच्या प्रस्तावाबाबत लवकरच प्रकाश आंबेडकर काँग्रेसला पत्र लिहिणार आहेत. काँग्रेसने आधी ‘वंचित’ ही भाजपची ‘बी टीम’ आहे, असा आरोप केला होता. या आरोपाबद्दल माफी मागितल्याशिवाय आघाडीबाबत बोलणीच करणार नाही, असे कळवण्यात येणार असल्याचे सूत्रांनी सांगितले. असे असले तरी अशा प्रकारे आघाडीची शक्यता कमी आहे.
सध्या वंचित बहुजन आघाडीचा धसका काँग्रेस-‘राष्ट्रवादी’च्या नेत्यांनी घेतला आहे. विधानसभा निवडणुकीपूर्वी काँग्रेसचे काही आजी-माजी आमदार वंचित बहुजन आघाडीच्या संपर्कात असल्याची चर्चा आहे. भाजपमधील इनकमिंगसोबतच ‘वंचित’कडेही आघाडीतील काही नेते जाण्याची शक्यता आहे.
फुटीचा परिणाम अपेक्षित नाही
वंचित बहुजन आघाडीतून लक्ष्मण माने बाहेर पडले असले तरी, विदर्भ-मराठवाड्यात त्याचा फारसा परिणाम होणार नाही. पश्‍चिम महाराष्ट्रातही वंचित आघाडी नव्या व्यूहरचनेसह उतरली आहे. सध्या भारिप बहुजन महासंघाचे प्रदेशाध्यक्ष अशोक सोनोने यांच्या नेतृत्वात वंचित
आघाडीची समिती पश्‍चिम महाराष्ट्राच्या दौऱ्यावर आहे. तिथे इच्छुकांच्या मुलाखती घेतल्या जात आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.