राज्यात उन्हाचा कहर कायम | Sakal
sakal

बोलून बातमी शोधा

weather update maharashtra Warning of heat wave in Vidarbha
राज्यात उन्हाचा कहर कायम

राज्यात उन्हाचा कहर कायम

पुणे : उन्हाचा कहर वाढल्याने वैशाखपूर्व वणव्यात विदर्भासह महाराष्ट्र अक्षरश: होरपळून निघाला आहे. शनिवारी सकाळपर्यंतच्या २४ तासांत विदर्भातील चंद्रपूर येथे राज्याचे यंदाच्या हंगामातील उच्चांकी ४६.४ अंश सेल्सिअस तापमानाची नोंद झाली. उद्या विदर्भात उष्ण लाटेचा इशारा देण्यात आला आहे, उर्वरित राज्यात उन्हाची ताप कायम राहण्याची शक्यता हवामान विभागाने वर्तविली आहे.

गेल्या काही दिवसांपासून राज्यात सूर्य आग ओकत आहे. उन्हाचा चटका तापदायक ठरत असल्याने अंगाची लाही-लाही होत आहे. विदर्भ, उत्तर महाराष्ट्रात उष्ण लाट आहे. चंद्रपूरसह अकोला, ब्रह्मपुरी, अमरावती, वर्धा, नागपूर, यवतमाळ येथे ४५ अंशांपेक्षा अधिक तापमानाची नोंद झाली. तर जळगाव, परभणी येथे ४४ अंशापेक्षा अधिक तापमान असून, उर्वरित राज्यात उन्हाचा चटका कायम आहे.

उन्हाच्या चटक्यात होरपळणारी ठिकाणे

चंद्रपूर ४६.४, अकोला ४५.८, ब्रह्मपुरी ४५.६, अमरावती ४५.०, वर्धा ४५.३, नागपूर ४५.२, यवतमाळ ४५.२. जळगाव ४४.८, परभणी ४४.२

उष्ण लाटेचा इशारा (येलो अलर्ट) :

विदर्भ : अकोला, यवतमाळ, वर्धा, नागपूर, चंद्रपूर.

Web Title: Weather Update Maharashtra Warning Of Heat Wave In Vidarbha Pune

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top