गोपीनाथगडावर आज पंकजा काय बोलणार?

मुंबई - विधानसभा पराभवापासून भाजपमध्ये चर्चेत असलेल्या माजी मंत्री पंकजा मुंडे या उद्या (ता. १२) गोपीनाथ मुंडे यांच्या जयंतीनिमित्त काय बोलणार, याकडे भाजप कार्यकर्त्यांचे लक्ष लागले आहे. गोपीनाथ मुंडे यांचे स्मारक गोपीनाथगड या नावाने उभारले आहे. या ठिकाणी पंकजा कार्यकर्त्यांशी संवाद साधणार आहेत.

ताज्या बातम्यांसाठी डाऊनलोड करा ई-सकाळच ऍप 

परळी विधानसभा मतदारसंघातून पंकजा यांचा त्यांचे चुलत बंधू राष्ट्रवादी काँग्रेसचे धनंजय मुंडे यांनी पराभव केला. त्यांच्या पराभवाला पक्षातून रसद पुरवली गेली असल्याच्या चर्चा सुरू झाल्यानंतर भाजपमध्ये जाणूनबुजून बहुजन नेत्यांचे पंख छाटले जात असल्याची चर्चा राजकीय वर्तुळात सुरू झाली. परिणामी, पंकजा मुंडे भाजपला सोडचिठ्ठी देणार का, अशी चर्चाही सुरू आहे. या पार्श्‍वभूमीवर पंकजा काय बोलणार, याकडे भाजप कार्यकर्त्यांचे लक्ष लागले आहे.

पंकजा मुंडे यांचं ठरलं? उद्याच 'या' पक्षात प्रवेश करण्याची शक्यता