कोणत्या मंत्र्याला कोठे मिळणार बसण्यासाठी दालन

सकाळ न्यूज नेटवर्क
बुधवार, 4 डिसेंबर 2019

राज्यात नव्याने स्थापन झालेल्या मंत्रिमंडळात सध्या सहा मंत्र्यांची निवड करण्यात आली. या मंत्र्यांना कोणती दालने मिळणार याबाबत उत्सुकता निर्माण झाली होती. मात्र मुख्यमंत्र्यांच्या दालनाशेजारी असलेल्या दालनात कोणताच मंत्री बसण्यास तयार नसल्याने सध्यातरी ६ व्या मजल्यावर फक्त मुख्यमंत्री उद्धव ठाकरे यांचे दालन राहणार आहे.

मुंबई - राज्यात नव्याने स्थापन झालेल्या मंत्रिमंडळात सध्या सहा मंत्र्यांची निवड करण्यात आली. या मंत्र्यांना कोणती दालने मिळणार याबाबत उत्सुकता निर्माण झाली होती. मात्र मुख्यमंत्र्यांच्या दालनाशेजारी असलेल्या दालनात कोणताच मंत्री बसण्यास तयार नसल्याने सध्यातरी ६ व्या मजल्यावर फक्त मुख्यमंत्री उद्धव ठाकरे यांचे दालन राहणार आहे.

ताज्या बातम्यांसाठी डाऊनलोड करा ई-सकाळचे एप

मंत्रालयाच्या मुख्य इमारतीला आग लागल्यानंतर त्याचे नूतनीकरण करण्यात आले. इमारतीच्या नूतनीकरणानंतर मुख्यमंत्र्यांच्या दालनाशेजारील दालन राष्ट्रवादी काँग्रेसचे नेते तथा उपमुख्यमंत्री अजित पवार यांना देण्यात आले होते. मात्र कालांतराने अजित पवारांना उपमुख्यमंत्री पदाचा राजीनामा द्यावा लागला. त्यानंतर भाजपाचे ज्येष्ठ नेते एकनाथ खडसे यांना देण्यात आले होते. या सरकारला वर्ष, दीड वर्षाचा कालावधी होताच खडसे यांना राजीनामा द्यावा लागला. त्यांच्यानंतर पांडुरंग फुडकर यांनी कृषिमंत्री म्हणून हे दालन स्वीकारले, मात्र त्यांचा मृत्यू झाला. त्यानंतर हे दालन नवे कृषिमंत्री डॉ. अनिल बोंडे यांना देण्यात आले. त्यांचा तर विधानसभेच्या निवडणुकीत पराभव झाला. त्यामुळे महाविकास आघाडीच्या मंत्र्यांमध्येही ६व्या मजल्यावरील मुख्यमंत्र्यांच्या शेजारील दालन नको, अशीच भूमिका घेतल्याचे सार्वजनिक बांधकाम विभागातील एका उच्चपदस्थ अधिकाऱ्याने सांगितले.

आणखी वाचा :  मनसे आमदार उद्धव ठाकरेंना म्हणतात, ‘आता ‘U’ ‘T’urn नको!’

विद्यमान परिस्थितीत मुख्य इमारतीत मुख्यमंत्री उद्धव ठाकरे यांचे ६व्या मजल्यावर दालन राहणार आहे. राष्ट्रवादी काँग्रेसचे नेते तथा मंत्री जयंत पाटील यांनी विस्तारीत इमारतीतील ६व्या मजल्यावरील, छगन भुजबळ यांना मुख्य इमारतीतील दुसऱ्या मजल्यावर, एकनाथ शिंदे यांना विस्तारीत इमारतीतील तिसऱ्या मजल्यावर, मंत्री सुभाष देसाई यांना ५व्या मजल्यावर, काँग्रेस मंत्री बाळासाहेब थोरात यांना विस्तारीत इमारतीतील पहिल्या मजल्यावर आणि काँग्रेस मंत्री डॉ. नितीन राऊत यांना मुख्य इमारतीतील चौथ्या मजल्यावर दालन देण्यात आले आहे.


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Where to find a minister to sit in mantralay