Aamir Khan Birthday: त्याला इंजिनिअरच बनवायचं होतं, झालं उलटचं

बॉलीवूडमधील प्रसिद्ध अभिनेता आमीर खान (Aamir khan) याचा आज वाढदिवस आहे.

Aamir khan team esakal

Bollywood News: बॉलीवूडमधील प्रसिद्ध अभिनेता आमीर खान (Aamir khan) याचा आज वाढदिवस आहे. आपल्या हटके स्टाईलमुळे जगभरात लोकप्रिय (Bollywood movies) असणाऱ्या आमिरचा चाहतावर्ग मोठा आहे. मिस्टर परफेक्शनिस्ट म्हणून ओळख असलेल्या आमिर खानची (Entertainment news) वाट मोठ्या संघर्षाची होती. आजवर त्यानं वेगवेगळ्या जॉनरच्या चित्रपटांमध्ये काम केले आहे. सध्या त्याच्या लाल सिंग चढ्ढा नावाच्या चित्रपटाची जोरदार चर्चा आहे. त्यामध्ये करिना कपूरनं काम केले आहे. आमिर खान हा केवळ अभिनेता नसून तो निर्माता, दिग्दर्शक, पटकथा लेखकही आहे. त्याच्या जन्मदिनाच्या निमित्तानं आपण त्याच्या व्यक्तिमत्वाविषयी जाणून घेणार आहोत.

रिना दत्ता ही आमिर खानची पहिली पत्नी. तिचा कयामत से कयामत तकमध्ये छोटा रोल होता. त्यांनी 1986 मध्ये त्यांनी लग्न केले. त्यांना जुनैद आणि इरा नावाची दोन मुलं आहेत. त्यानंतर 2001 मध्ये आमिरची ओळख किरण रावशी झाली. 15 वर्षानंतर त्यांचा घटस्फोट झाला आहे.

आमिरच्या कुटूंबियांचा त्याच्या फिल्म लाईनमध्ये येण्याला विरोध होता. त्यांना आमिरनं फिल्ममध्ये काम करावे हे मान्य नव्हते. कारण आमिरच्या वडिलांना या व्यवसायातील आर्थिक अडचणी कशा आहेत हे माहिती होते. त्या आमिरला येऊ नये अशी त्यांची इच्छा होती.

आमिरनं इंजिनिअरींग करावी अशी त्यांच्या वडिलांची इच्छा होती. मात्र आमिरला चित्रपटांमध्य़े रस होता. मात्र एका ठिकाणी हॉकी खेळण्याचे शुटिंग सुरु होते. त्यात आमिरनं भाग घेतला. आणि तेव्हापासून त्याचा प्रवास सुरु झाला. तो अजूनही सुरु आहे.

वयाच्या अवघ्या आठव्या वर्षी त्यानं काकांच्या यादो की बारातमध्ये काम केले होते. तर 1984 मध्ये आलेल्या होळीमध्ये त्यानं पहिली भूमिका केली होती. त्यात आमिर खान, आशुतोष गोवारीकर, ओम पूरी, श्रीराम लागू, दीप्ती नवल आणि नसरुद्दीन शहा यांच्या भूमिका होत्या.

आमिरची बॉलीवूडमध्ये असणारी ओळख ही मिस्टर परफेक्ननिस्ट अशी आहे. त्यानं ही ओळख मोठ्या संघर्ष आणि कष्टानं तयार केली आहे. त्यामध्ये त्याच्या वेगवेगळ्या भूमिकांचा मोठा वाटा आहे. सोशल मीडियावरुन आमिरनं माघार घेतली असेल तरी त्याच्या लोकप्रियतेत कुठलीही कमतरता पडलेली नाही.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Entertainment