झोमॅटो डिलिव्हरी बॉयबद्दल राखीनं असं काही म्हटलं की नेटकरी म्हणाले 'खूप छान'!

बॉलिवूडमध्ये कॉन्ट्रवर्सी क्विन म्हणून ओळखली जाणारी आभिनेत्री राखी सावंत तिच्या वादग्रस्त वक्तव्यांमुळे नेहमीच चर्चेत असते. नुकताच झालेल्या 'बिग बॉस 15'मध्ये राखी टॉप 5 स्पर्धकांपैकी एक होती. बिग बॉसमधील राखीने धमाल मस्ती करून प्रेक्षकांच्या मनात विशेष स्थान निर्माण केले.  झोमॅटो डिलिव्हरी बॉयच्या प्रकरणावर अनेक जण भाष्य करत आहेत. बंगळुरूमध्ये ऑर्डर रद्द केल्यामुळे तरुणीवर हल्ला केल्याच्या आरोपावरुन फूड डिलिव्हरी कंपनी झोमॅटोच्या डिलिव्हरी बॉयला अटक करण्यात आली होती. त्यानंतर काही दिवसांपूर्वी त्याला जामीन मिळाला. या प्रकरणावर भाष्य करत राखी सावंत म्हणाली, 'त्याच्यासोबत अन्याय झाला. मला खूप वाईट वाटलं.मित्रांनो झोमॅटोवाले किंवा डिलिव्हरीवाले तुमच्या घरी तुमचं पोट भरावं म्हणून येतात. त्यांचा आदर करा. त्यांना प्रेमाने वागणूक द्या. सगळीकडे कोरोनाची भीती असतानाही ते नोकरी करत आहेत. मी असं म्हणत नाही की त्यांना जेवायला द्या पण किमान त्यांना एक ग्लास पाणी तरी द्या. मी नेहमी त्यांना पाणी देते.आपण त्यांना थोडा आदर आणि प्रेम देऊचं शकतो. यासाठी आपल्याला टॅक्स तर भरावा लागत नाही.' राखीच्या या प्रतिक्रीयेला नेटकऱ्यांची पसंती मिळाली. नेहमीच वादग्रस्त वक्तव्य करणाऱ्या राखीचे वेगळे रूप तिच्या चाहत्यांना पहायला मिळाले. 

झोमॅटोसाठी फूड डिलिव्हरी करणाऱ्या कामराजने यावर प्रतिक्रिया देताने म्हटलं होतं की त्याच्यावर खोटे आरोप केले जात आहेत. या महिलेनेच मला मारहाण केली. यावेळी तिच्या हातातील अंगठी तिच्या नाकाला लागली आणि रक्त येऊ लागलं. असं कामराजचं म्हणणं आहे.

स्मिता गोंदकरचा चित्तथरारक बाईक स्टंट; नेटकरी थक्क!

महिलेने मात्र  सोशल मीडियावर व्हिडीओ पोस्ट करत डिलिव्हरी बॉयने मारहाण केल्याचा आरोप केला होता. त्यानंतर अनेक सेलिब्रेटींनी या प्रकरणात उडी मारत आपली मत व्यक्त केली.नुकतच परिणीती चोप्रानेदेखील एक ट्विट करत या डिलीवरी बॉयची चूक नसल्याचं म्हटलं होतं. यावरुन अभिनेत्री तनुश्री दत्ताने तरुणीची बाजू घेत परिणितीला सुनावले.