जॅकलीनला सुकेशबरोबरची 'दोस्ती' पडली महागात, चित्रपटातून बाहेर?

बॉलीवूड अभिनेत्री जॅकलीन (Bollywood Actress Jacquelin Fernandiz) ही ईडीच्या (ED Notice) कारवायांमुळे चर्चेत आली आहे. त्यामुळे तिला सोशल मीडियावरही (Social Media) नेटकऱ्यांनी मोठ्या प्रमाणात ट्रोल केले आहे. आता यासगळ्याचा मोठा परिणाम तिच्या आगामी काळात प्रदर्शित होणाऱ्या चित्रपटांवरही झाला आहे. तिला तिच्या एका चित्रपटातून बाहेरचा रस्ता दाखवण्यात आल्याची माहिती समोर आली आहे. मनी माफिया सुकेश चंद्रशेखरसोबतचे (Sukesh Chandrashekhar) तिचे काही बोल्ड फोटो (Bold Photo Viral Social Media) सोशल मीडियावर व्हायरल झाले होते.त्यामुळे तिला नेटकऱ्यांनी ट्रोले केले होते. तिच्यावर टीकाही केली होती. सुकेशनं केवळ तिलाच नाहीतर तिच्या कुटूंबियांना देखील पैशांची मदत केल्याची माहिती ईडीनं केली होती.

सुकेश चंद्रशेखर (Sueksh Chandrashekhar) हा 200 कोटी रुपयांच्या घोटाळ्याप्रकरणी अटकेत आहे. सध्या त्याची चौकशी सुरु आहे. जॅकलीनबरोबरच नोरा फतेहीची (Nora fatehi) देखील चौकशी सुरु असल्याचे दिसून आले आहे. सुकेश हा काही बॉलीवूडच्या अभिनेत्रींच्या संपर्कात होता. त्यामुळे आणखी त्या अभिनेत्रींची नावं समोर येणार आहेत. ईडीनं अजून ती नावं जाहीर केलेली नाहीत. आता जॅकलीनसाठी एक धक्कादायक बातमी समोर आली आहे. ती म्हणजे सुकेश चंद्रशेखर या घटनेचा परिणाम तिच्या करिअरवर झाल्याचे दिसून येत आहे. तिला एका चित्रपटातून माघार घ्यावी लागली आहे. तो चित्रपट बिग बजेट चित्रपट आहे. सध्या जॅकलीनची मोठ्या प्रमाणात चर्चा आहे.

मीडिया रिपोर्टस नुसार, जॅकलीन फर्नांडिझ ही आता नागार्जुन अक्कीनेनीच्या द घोस्टचा भाग नाही. तिला त्या चित्रपटातून बाहेरचा रस्ता दाखवण्यात आला आहे. मात्र त्याची कारणं वेगवेगळ्या प्रकारे समोर आली आहेत. काहीजण म्हणत आहे की तिला सुकेश चंद्रशेखर हे प्रकरण महागात पडलं आहे. त्याचा परिणम तिच्या करियरवर झाला आहे. मात्र अजुन द घोस्टच्या निर्मात्यांनी अद्याप याबाबत कोणत्याही प्रकारची अधिकृत माहिती दिलेली नाही. असेही सांगितलं जात आहे की, जॅकलीनला देण्यात येणाऱ्या मानधनाचा आकडा हा मोठा असल्यानं तिचा रिप्लेस करण्याचा विचार सुरु झाला आहे.