'अरुंधती' या तेलगू चित्रपटाचा हिंदी रिमेक; प्रमुख भूमिकेत दिसणार दीपिका पदुकोण?

'अरुंधती' या तेलगू चित्रपटाचा हिंदी रिमेक; प्रमुख भूमिकेत दिसणार दीपिका पदुकोण?

मुंबई : अनुष्का शेट्टीने मुख्य भूमिका केलेल्या 'अरुंधती' या सिनेमाचा हिंदीत रिमेक होणार आहे, अशी चर्चा सध्या रंगलेली आहे. अल्लू अरविंदने याच्या रिमेक हक्क विकत घेतले आहेत.  चित्रपटाच्या निर्मात्यांनी अजून सोशल मीडियावर हे उघडपणे सांगितलं नाही. पण अनुष्का शेट्टीच्या जागी दीपिका पदुकोण या सिनेमात दिसेल, या चर्चेने चाहते उत्साहित झाले आहेत.

दक्षिणेतील 'अरुंधती' हा सिनेमा 2009  मध्ये रिलीज झाला आणि तो प्रचंड हिट झाला होता. या सिनेमात पशुपती विरूद्ध राजकुमारी अरुंधतीने कशा प्रकारे लढा दिला याची कथा दाखविली आहे. सोनू सूदने या सिनेमात खलनायकाची भूमिका साकारली होती. या सिनेमाचे दिग्दर्शन दिवंगत दिग्दर्शक कोडी रामकृष्ण यांनी केले. या चित्रपटाला अनेक पुरस्कार मिळाले होते. टॉलीवूडमधील अशा काही चित्रपटांपैकी अरुंधती हा एक चित्रपट होता ज्यात व्हीएफएक्स आणि ग्रिपिंग ड्रामाचे उत्तम मिश्रण होते.

यापूर्वी अलू अरविंद यांच्या "अला वैकुंठापुरमुलु" या सिनेमाला प्रेक्षकांकडून उत्तम प्रतिसाद मिळाला होता. हा चित्रपट खूप गाजला. आता अलु अरविंद यांनी 'अरुंधती' या सिनेमाचा रिमेक केला तर त्याला प्रेक्षक नक्कीच पसंती दर्शवतील अशी आशा आहे.
----
संपादन : ऋषिराज तायडे 

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com