"मैं हूँ मायकल' टॅलेण्ट हंट 

"मुन्ना मायकल' चित्रपट लवकरच प्रदर्शित होणार आहे. पण या चित्रपटाचे प्रमोशन एका अनोख्या पद्धतीने करण्यात येणार आहे. या चित्रपटाच्या प्रमोशनसाठी "ऍण्ड पिक्‍चर्स'वर "मैं हूँ मायकल' या टॅलेण्ट हंट शोची सुरुवात होणार आहे.

"मुन्ना मायकल' या चित्रपटात डान्सला खूप महत्त्व आहे. हा चित्रपट प्रदर्शित होण्याआधी हा शो टीव्हीवर पाहायला मिळणार आहे. या चित्रपटाचे मुख्य कलाकार टायगर श्रॉफ आणि निधी अगरवाल 18 ते 25 जूनमध्ये लखनऊ, अहमदाबाद आणि इंदौर या शहरांमध्ये होणाऱ्या ऑडिशन्समध्ये स्वतः सहभागी होणार आहेत. टायगर श्रॉफ म्हणतो, "मी स्वतःला मायकल जॅक्‍सनचा सगळ्यात मोठा फॅन म्हणवतो. "मैं हूँ मायकल' ही माझ्यासाठी एक संधी आहे, ज्यामुळे मी माझ्यासारख्याच मायकल जॅक्‍सनच्या फॅन्सना भेटू शकेन.'