आग्रा : दाक्षिणात्य अभिनेत्री काजल अगरवाल हि नुकतीच ताजमहाल पाहायला गेली होती. ताजमहाल सोबतचे काही फोटो तिने इन्स्टाग्राम अकाउंटवर शेअर केले. विशेष म्हणजे हे फोटो शेअर करत असताना तिने प्रेमाविषयीचे विचार लांबलचक पोस्टद्वारे मांडले आहेत. शिवाय ताजमहालचं भरभरुन कौतुकही केलं आहे. साऊथमधील ती अतिशय सुंदर अभिनेत्री आहे यामध्ये काहीच शंका नाही. त्यातच ताजसोबतचे तिचे फोटो सध्या इंटरनेटवर चांगलेच व्हायरल होत आहेत. चाहत्यांकडून या फोंटोंना पसंतीदेखील मिळतेय.
काजल 34 वर्षांची असून तीने पहिल्यांदाच ताजमहाल पाहिला. ती कुटुंबासोबत एन्जॉय करताना दिसली. प्रेमाचं प्रतिक असलेल्या ताजमहालला बघताक्षणी काजल त्या अप्रतिम वास्तूच्या प्रेमात पडली. त्याचा अनुभव चाहत्यांशी शेअर करत असताना फोटोंच्या कॅप्शनमध्ये तिनं प्रेमाविषयीचे विचार लिहिले. 'आजपर्यंत ताजमहालच्या सुंदरतेविषयी मी ऐकलं होतं. पण, आज पहिल्यांदा मी तो बघत आहे. ताजची मनमोहक सुंदरता पाहून मी खरच थक्क झाले आहे. हा क्षण नेहमीच माझ्या हृदयात राहिल.' असं मत तिने व्यक्त केलं. इतके वर्ष एकटं राहिल्यानंतर ताजला पाहिल्यावर माझ्या विचारांमध्ये बदल झालाय, असंही ती यावेळी म्हणाली.
काजल साऊथ ते बॉलिवूड अशा अनेक चित्रपटांमध्ये झळकली आहे. ती 2011 मध्ये अजय देवगणसह 'सिंघम' या चित्रपटामध्ये दिसली. त्यानंतर 'स्पेशल 26' आणि 'दो लफ्जोंकी कहानी' अशा सुपरहिट चित्रपटांमधून तिने भूमिका साकारली.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.