'थलाइवी' चा पहिला पोस्टर रिलिज, कंगणाचा थक्क करणारा लुक एकदा बघाच !

मुंबई : कंगणाची ओळख ही तिच्या बोल्ड आणि स्पष्टवक्तेपणासाठी आहे. तिची चित्रपटासाठीची निवडही वेगळी आहे. उत्तम अभिनयाने कंगणाने आपली वेगळी ओळख निर्माण केली आहे. कंगणा एका खास चित्रपटाची तयारी गेले बरेच दिवस करत होती. कायम चर्चेत आणि वादात राहिलेल्या जयललिता यांच्यावरच्या या बायोपिकचं नावं आहे ‘थलाइवी’.त्याची चर्चा गेले बरेच दिवस सुरु आहे. या बायोपिकचा पहिला पोस्टर नुकताच प्रदर्शित झाला आहे. 

कंगणा या चित्रपटासाठी भरपूर मेहनत घेत होती. त्याचे व्हिडीओ आणि फोटो तिने इन्स्टाग्रामवर शेअर केले होते. हा चित्रपट म्हणजे तमिळनाडूच्या माजी मुख्यमंत्री जयललिता यांच्या आयुष्यावर आधारीत आहे. त्याच्या पहिला पोस्टर रिलिज झाला असून कंगणा त्यामध्ये जयललिता यांच्या व्यक्तीरेखेत दिसतेय. पोस्टरमधील जयललिता यांच्या लुकमधील कंगणाला ओळखणे जवळपास कठीण झाले आहे. 
कंगणाची बहिण रंगोली चांडेल हिने ट्विटरवर हा पोस्टर शेअर केला आहे. कंगणा यामध्ये हुबेहुब जयललितांसारखी दिसत आहे. पोस्टर रिलिज झाल्यापासूने चाहत्यांमध्ये चित्रपटासाठी उत्सुकता वाढली आहे. पोस्टरसोबतच चित्रपटाची प्रदर्शित होण्याची तारीखही रिजिज करण्य़ात आली आहे. पुढील वर्षी 26 जून 2020 ला हा चित्रपट प्रेक्षकांच्या भेटीला येणार आहे. 

या चित्रपटामध्ये जयललिता यांच्या हुबेहुब लुकसाठी कंगणावर प्रोस्थेटिक मेकअपचा वापर करण्यात आला. काही दिवसांपूर्वीच हा चित्रपट वादामध्ये अडकला होता कारण, जयललिता यांची भाची जे.दीपा यांनी बायोपिकवर आक्षेप घेत मद्रास हायकोर्टात धाव घेतली होती.

याच चित्रपचासाठी कंगणा सध्या जीव तोडून मेहनत घेताना दिसत आहे. त्यासाठी ती सध्या मनालीमधल्या तिच्या घरी आहे. दिवाळीचं सेलिब्रेशनही तिनं त्याच घरी साजरं केलं. 'थलाइवी' सिनेमाची एक टीम कंगणासह मनालीमध्ये आहे आणि त्यांच्यासोबत ती दिवसेंदिवस मेहनत घेताना दिसत आहे.या चित्रपटाच्या शुटींगचा पहिला टप्पा कर्नाटकात पार पडणार आहे. हा चित्रपट तामिळ, तेलुगु आणि हिंदी अशा तीन भाषांमध्ये  रिलीज होणार आहे. या चित्रपटाचं दिग्दर्शन ए.एल. विजय हे करत आहेत. या चित्रपटासाठी कंगनाला दररोज काही तास द्यावे लागणार आहेत. ‘थलाइवी’ची चर्चा ही फक्त बॉलिवूड आणि टॉलिवूडमध्येच नाही तर राजकीय क्षेत्रातही या चित्रपटाविषयी आणि कंगनाच्या भूमिकेविषयी जोरदार चर्चा आहे.