'वर खाली दोन पाय' या प्रायोगिक नाटकाचा प्रीमियर संपन्न
मुंबई : 'पुरुष' या नाटकाचा संदर्भ घेऊन आजच्या भीषण बलात्कारी प्रवृत्तीवर भाष्य करणारे 'वर खाली दोन पाय' हे प्रायोगिक नाटक पुन्हा एकदा रंगभूमीवर अवतरत आहे. प्रायोगिक नाट्यवैभवातील ह्या प्रसिद्ध आणि विचारवंतांनी गौरविलेल्या नाट्याचे, बांद्रा येथील रंगशारदा सभागृहात मोठ्या दिमाखात पुनर्सादरीकरण करण्यात आले. डिजिटल डेटोक्स प्रस्तुत आणि रंगालय निर्मित या रंगनाट्याच्या प्रीमियर सोहळ्यात हिंदी आणि मराठीच्या दिग्गज कलावंतांची मांदियाळी पाहायला मिळाली.
हृषीकेश कोळी लिखित आणि दिग्दर्शित 'वर खाली दोन पाय' या नाटकाच्या 'रेड कार्पेट'वर पंढरीनाथ कांबळे, प्रसाद जवादे, विनीत शर्मा, प्रकाश कुंटे, गायत्री सोहम, मनीषा केळकर आणि इतर दिग्गज मराठी तसेच हिंदी कलाकारांनी देखील हजेरी लावली होती. विशेष म्हणजे एका प्रायोगिक नाटकाचा प्रीमियर सोहळा होण्याची हि पहिलीच वेळ असून, व्यावसायिक नाटकाच्या धर्तीवर प्रायोगिक नाटकांची वाढत असलेली व्याप्ती आणि प्रसिद्धीचा टक्का उंचावत असल्याचे दिसून येते.
चैतन्य अकोलकर प्रस्तुत या नाटकाचे, वैशाली राहुल भोसले, सुगंधा सुहास कांबळे यांनी निर्मिती केली असून, प्रवीण कांबळे यांनी सहनिर्मात्याची धुरा सांभाळली आहे.
'ई सकाळ'वरील इतर महत्त्वाच्या बातम्या :
- राणेंसाठी माझे खाते देण्यास तयार : चंद्रकांत पाटील
- मुसळधार पावसातही मीरा-भाईंदर पालिकेसाठी मतदान
- इन्फोसिसचे 13 हजार कोटींचे 'बायबॅक'
- कोयना धरणात 80.39 टीएमसी पाणीसाठा
- 110 गायींच्या मृत्यूप्रकरणी भाजप नेत्यास अटक
- उस्मानाबाद जिल्ह्यात पावसाची संततधार
- मराठवाड्यातील 170 मंडळात अतिवृष्टी
- बीड जिल्ह्यात 35 महसूल मंडळात अतिवृष्टी..!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.