LAXMI झाला फुस्स; प्रेक्षकांच्या मिम्सने उडवली अक्षयची खिल्ली

सकाळ ऑनलाईन टीम
Tuesday, 10 November 2020

सोमवारी हा चित्रपट ओटीटी प्लॅटफॉर्मवर प्रदर्शित झाला. यानंतर काही तासांनंतर प्रेक्षकांच्या तिखट प्रतिक्रिया सोशल मीडियातून व्हायरल व्हायला सुरुवात झाली. अनेकांनी या चित्रपटावर आपला राग व्यक्त करण्यासाठी मीम्सचा आधार घेतल्याचे दिसून आले आहे.

मुंबई - अक्षयच्या लक्ष्मी नावाच्या चित्रपटाची सर्वांनाच उत्सुकता होती. त्याची जाहिरातबाजीही मोठ्या प्रमाणावर करण्यात आली. दिवाळीत होणार मोठा धमाका अशा नावाखाली प्रसिध्दी करण्यात आलेल्या या चित्रपटाने प्रेक्षकांची निराशा केली आहे. गेल्या महिनाभरापासून फोटो ट्रेलर, गाणी, पोस्टर रिलिज करुन लक्ष वेधून घेणा-या लक्ष्मी चित्रपटानेने प्रत्यक्षात चाहत्यांच्या अपेक्षा पूर्ण करु शकलेला नाही.

सोमवारी हा चित्रपट ओटीटी प्लॅटफॉर्मवर प्रदर्शित झाला. यानंतर काही तासांनंतर प्रेक्षकांच्या तिखट प्रतिक्रिया सोशल मीडियातून व्हायरल व्हायला सुरुवात झाली. अनेकांनी या चित्रपटावर आपला राग व्यक्त करण्यासाठी मीम्सचा आधार घेतल्याचे दिसून आले आहे. अनेकांनी यावेळी मिर्झापूरच्या कालीन भैयाचे पोस्टर व्हायरल करुन त्यातील संवादाचा प्रभावीपणे वापर केला आहे. चित्रपटाविषयी ज्या उत्साहाने प्रमोशन करण्यात आले प्रत्यक्षात चित्रपट प्रदर्शित झाल्यानंतर त्याला मिळालेलं रेटिंग हे अतिशय निराशाजनक आहे.

प्रत्यक्षात चित्रपट प्रदर्शित झाल्यानंतर प्रेक्षक नाराज झाले आहेत. त्यातच आयएमडीबी (IMDb) रेटिंगवरदेखील ‘लक्ष्मी’ अपयशी ठरल्याचं दिसून येत आहे. या चित्रपटाला १० पैकी २.६ रेटिंग मिळालं आहे.

Image

गेल्या काही दिवसांपासून अभिनेता अक्षय कुमारच्या लक्ष्मी चित्रपटाची सगळीकडे मोठ्या प्रमाणावर चर्चा होती. त्यावरुन वादाला सुरुवातही झाली. त्याच्या नावावरुन अनेकांनी आक्षेप घेतले. काही संघटनांनी न्यायालयाचे दरवाजेही ठोठावले होते.

Image

इंटरनेट मुव्ही डेटाबेस (आयएमडीबी) हा एक ऑनलाइन डेटाबेस प्लॅटफॉर्म आहे. यावर चित्रपट पाहणारे चाहते एखाद्या कलाकृतीचा दर्जा ठरवू शकतात. येथे स्टार्स पद्धतीवर कोणत्याही कलाकृतीला रेटिंग दिलं जाते. या प्लॅटफॉर्मवर चित्रपट, मालिका, वेब  सिरीज, व्हिडिओ गेम्स यांना रेटिंग दिले जाते.

Image

नेटक-यांनी मोठ्या गंमतीशीर पध्दतीने अक्षय कुमारच्या या या चित्रपटावर टीका केली आहे. त्यासाठी काही नव्या जुन्या चित्रपटांचाही आधार घेतला आहे,  

प्रदर्शनापूर्वीच चर्चेत आलेल्या या चित्रपटाने प्रदर्शनानंतर प्रेक्षकांचा हिरमोड केल्याचं पाहायला मिळालं.

आयएमडीबीवर कमी रेटिंग मिळाल्या पहिल्या १० चित्रपटांमध्ये ‘लक्ष्मी’ या चित्रपटाचा समावेश करण्यात आला आहे. लक्ष्मीला आतापर्यंत ६ हजार रेटिंग्स मिळाले आहेत.

Image

सध्या अनेक चित्रपट ओटीटीवर प्रदर्शित होत असल्यामुळे लक्ष्मीदेखील डिस्नी प्लस हॉटस्टार या ओटीटी प्लॅटफॉर्मवर प्रदर्शित झाला.

हा चित्रपट प्रेक्षक आणि समीक्षकांच्या पसंतीत उतरण्यास अपयशी ठरला. त्यामुळे सोशल मीडियावर अनेकांनी या चित्रपटाला आणि कलाकारांना ट्रोल करण्यास सुरुवात केली आहे.

या चित्रपटात अक्षय कुमारसोबत कियारा आडवाणीने स्क्रीन शेअर केली आहे. यापूर्वी हिम्मतवाला, रामगोपाल वर्मा की आग, कर्ज, जोकर, सडक 2, रेस 3, गुंडे या चित्रपटांना कमी रेटिंग मिळालं आहे.

 
 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: Laxmi mims viral on social media akshay kumar trolled by viewers