'काॅमेडी विथ कपील'ची नवी टीम जाहीर

मुंबई : काॅमेडी विथ कपील या लोकप्रिय शोला गेल्या काही महिन्यांपासून ग्रहण लागले आहे. सुनील ग्रोव्हर आणि कपीलची वादावादी झाल्यानंतर त्यात भर पडली. सुनील आणि अली असगर यांनी हा शो सोडला होता. पण आज, या शोची नवी टीम जाहीर झाली. यात भारती सिंग आणि हर्ष लिंबाचिया या दोन नव्या चेहर्यांना स्थान मिळाले आहे. 

सुनील आणि अलीने हा शो सोडल्यानंतर चंदन प्रभाकरनेही या शोला सोडचिठ्ठी दिली. पण तीन महिन्यांच्या गॅप नंतर चंदन परत आला. अली आणि सुनीलची उणीव शोमध्ये भासत होती. ती अखेर नव्या कलाकारांना घेऊन पूर्ण झाली आहे. भारती, हर्षसह यात किकू शारदा, चंदन प्रभाकर, कपील ही मंडळी असतील. आता ते कोणत्या नव्या रूपात येतायत ते थेट पडद्यावर दाखवण्यात कपिल आणि कंपनीला जास्त रस आहे.